Sheteldikterdiń qujat rásimdeýin jeńildetetin mobıldi qosymsha jasaldy

ASTANA. QazAqparat – QR Eńbek jáne halyqty áleýmettik qorǵaý mınıstrligi kóshi-qon komıteti tóraǵasynyń mindetin atqarýshy Іlııas Ispanov sheteldikterdiń Qazaqstanǵa kelýin jeńildetetin mobıldi qosymsha týraly aıtyp berdi, dep habarlaıdy QazAqparat tilshisi.

«Kóshi-qon máselesine birneshe memorgan men ákimdikter qyzmet kórsetedi. Ár organnyń óz aqparattyq júıeleri bar jáne bir-birimen ıntegartsııa jasalmaǵan. Sondyqtan, ıntegratsııa jasap, «Migrationgovkz» nemese qazaqsha ataýy – «Qutty meken» degen platforma jasap, testileýden ótkizemiz. Mobıldi qosymsha arqyly sheteldikti shaqyrǵan qazaqstandyq azamat ótinish bere alady», - dedi Іlııas Ispanov Ortalyq kommýnıkatsııalar qyzmetinde ótken baspasóz máslıhatynda.

Spıkerdiń aıtýynsha, «Migrationgovkz» qosymshasynda kóshi-qon boıynsha 13 baǵyt bolady.

«Qosymsha arqyly sheteldikter avtorızatsııadan ótpesten barlyq málimetti kóre alady. Ruqsat alý úshin olar qosymshada qandaı statýspen keletinin, qandaı maqsatpen (oqýǵa, emdelýge, vıza alýǵa, qandas mártebesin alýǵa) keletinin belgilep kórsetedi jáne ótinish osyndaǵy memlekettik organdarǵa kep túsedi. Máselen, dinı mıssıoner bolsa – Aqparat jáne qoǵamdyq damý mınıstrliginen, sportshy bolsa – Mádenıet jáne sport mınıstrliginen ruqsat alýy kerek», - dep túsindirdi І. Ispanov.

Mobıldi qosymsha endigi jyldyń jartyjyldyǵynda iske qosylady.

Aıta keteıik, jyl basynan beri Qazaqstanǵa 8 mln jýyq sheteldik kelgen.