Sheteldikterdiń eńbegin zańsyz paıdalanǵan 500 jumys berýshi jaýapqa tartyldy

NUR-SULTAN. QazAqparat – Elimizde ruqsatsyz sheteldikterdiń eńbegin paıdalanǵan 500 jumys berýshi jaýapqa tartyldy. Bul týraly QR Іshki ister mınıstrliginiń resmı ókili Nurdildá Oraz málim etti, dep habarlaıdy QazAqparat tilshisi.

Onyń atap ótýinshe, ishki ister organdary kóshi-qon zańnamasyn qasaqana buzýshylardy anyqtaýǵa baǵyttalǵan «Mıgrant» jedel is-sharasyn 7 maýsymnan bastap ótkizip jatyr.

«Operatsııanyń 7 kúninde tıisti ruqsatsyz sheteldik jumys kúshin paıdalanǵan 500 jumys berýshi jaýapqa tartyldy. Zańsyz kóshi-qon uıymdastyrý faktisi boıynsha 18 qylmystyq is qozǵaldy», - dedi ol.

Máselen, resmı ókildiń aıtýynsha, Shymkent qalasynda mektep qurylysyna 30 sheteldikti zańsyz jumysqa salý faktisi anyqtalyp otyr.