Sheteldikterdi Qazaqstandaǵy qandaı nysandar qyzyqtyrady

Bul kórme Almatyda 19-shy ret uıymdastyrylyp otyr. Oǵan álemniń 25 elinen 350 týrıstik kompanııa qatysýda.

Qalalyq týrızm basqarmasynyń basshysy Maqsat Qıqymov habarlaǵandaı, byltyr Almatyǵa 1 mıllıonnan astam týrıst kelgen. Onyń 365-i - Eýropa, AQSh, Reseı saıahatshylary.

«Bul kórsetkish EKSPO men Ýnıversıada ótkenine qaramastan, 2017 jylǵy derektermen salystyrǵanda 3,2%-ǵa artyq. Almatynyń týrıstik tartymdylyǵyn arttyrý úshin kóp is jasalyp jatyr. Ásirese, halyqaralyq týrızm týraly saıttarda jıi jarııalanyp jatyr. Sheteldik týrısterdiń kópshiligi Almatyny osyndaı saıttar arqyly tanýda. Statıstıkaǵa sensek, týrısterdiń 37%-y Almaty týraly aqparatpen halyqaralyq saıttarda tanysqan. 8%-y uzynqulaqtan estip nemese áleýmettik jeli arqyly bilip kelgen. Qazaqstanǵa eýropalyq týrıster kóp keledi», - deıdi Maqsat Qıqymov.

Sheteldik týrıster kóbinese kóshpeli mádenıetti taný úshin ári taýly aımaqta demalý úshin keledi.

«Almatyda bul jaǵynan barlyq jaǵdaı jasalǵan. Áýejaıdan qalanyń ortasyna 20 mınýtta jetedi. Qalanyń ortalyǵynan taýǵa jetkenshe 20 mınýt ýaqyt ketedi. Іshki týrızm 17%-ǵa artqan. Sondyqtan, qala bıligi taý klasterin damytýǵa múddeli. Almatyda barlyq shańǵy joldarynyń uzyndyǵyn qossaq, 46-aq shaqyrym bolady eken. Biz bul kórsetkishti kem degende 456 shaqyrymǵa jetkizsek dep oılaımyz. Qalada 2,5 myń meıramhana, 128 saýda úıi, 50 bazar, 19 mýzeı, 20 teatr bar. Sheteldik týrısterdi kóbinese ekotýrızm qatty qyzyqtyrady», - dedi ol.

KITF 2019 kórmesi aıasynda 1200 memorandýmǵa qol qoıý josparlanǵan. Olardyń kópshiligi qazaqstandyq týrıstik uıymdardyń arasynda ishki týrızmdi damytý baǵytynda bolmaq. Sonymen qatar, týrızm salasyn tsıfrlandyrý, medıtsınalyq týrızm taqyrybynda semınarlar josparlanǵan.

Kórme 19 sáýirge deıin jalǵasady.