Sheteldikterdi elden shyǵarýda problemalar ne úshin týyndaıdy

ASTANA. QazAqparat - Qazaqstan aýmaǵynan sheteldikterdi shyǵarýda problemalar oryn alýda. Bul týraly búgin Májilistegi Úkimet saǵatynda depýtat Nurlan Ábdirov aıtty, dep habarlaıdy QazAqparat.

«Azamattyǵy joq sheteldikterdi elden tysqary shyǵarýdy oryndaý barysynda da problemalar týyndaýda. Bas prokýratýranyń málimetinshe, tek ótken jyly ǵana sot 628 tulǵany el aýmaǵynan shyǵarýdy úkim etken. Degenmen, onyń ishinde 62 tulǵa shyǵarylǵan joq», - dedi depýtat.

Onyń aıtýynsha, mundaı jaıttyń sebebi ártúrli. Máselen, el aýmaǵynan shyǵarýdy oryndaýdyń naqty merzimi joq. Jazanyń bastapqy negizgi túrin oryndaý talaby ózgerip jatady. ıAǵnı aıyppul tóleýge aýystyrylady.  Kóshi-qon qyzmeti, qylmystyq-atqarý júıesi, sot oryndaýshylary, shekara qyzmeti arasynda úılesimdi ózara is-qımyl joq.

Sonymen qatar Nurlan Ábdirov kóshi-qon qyzmetkerleriniń  kadrlyq áleýetine de jan-jaqty toqtaldy. Olardyń arasynda qylmysqa urynyp jatqandardyń da bar ekendigin eske saldy.

«Іshki ister mınıstrligi atalǵan qyzmettegi jemqorlyqqa qarsy jumystardy kúsheıtip, kadrlardy irikteý jáne tárbıeleýdi qolǵa alýy tıis dep esepteımiz», - dedi Nurlan Ábdirov. 

Sondaı-aq, depýtat Qazaqstanda kóshi-qon baqylaýynyń birtutas aqparattyq bazasyn jasaý qajettigine nazar aýdartty.

Nurlan Ábirov terrorıstik qylmysy úshin sottalǵandardyń Qazaqstanda qalýy qoǵamǵa qaýip tóndiretindigin de ashyq aıtty.