Sheteldikterden alynatyn týrıstik jarnany esepteý prıntsıpi qaıta qaralady - mınıstrlik

ASTANA. QazAqparat - 2022 jyldyń 1 qańtarynan bastap Qazaqstanda sheteldik týrısterden mindetti jarna — bed tax engizildi. Ótken jyly ol alynbady, al 2023 jyldyń basynda bizdiń elimizdiń 30-dan astam qalalary men aýdandarynda 1% - dan 5% - ǵa deıingi mólsherlemeler bekitildi.

Bul týraly QR Mádenıet jáne sport mınıstrliginiń baspasóz qyzmetinen málim boldy, dep habarlaıdy QazAqparat.

Alaıda, QR Mádenıet jáne sport mınıstrliginiń kásipkerlermen jáne qonaqúı bıznesiniń ókilderimen kezdesýleriniń qorytyndysy boıynsha týrıstik jarnanyń mólsherin qaıta qaraý týraly sheshim qabyldandy. Ol paıyzdyq araqatynasta emes, AEK-ke saı esepteledi.

Máselen, Astana, Almaty jáne Shymkent qalalarynda bed tax 0,5 AEK, qalǵan óńirlerde — 0,2 AEK quraıdy.

«Bıznes ókilderi qoldanystaǵy tártipke ózgerister engizý boıynsha kóptegen tartymdy usynystar berdi. Biz kásipkerlerdi tyńdap, jarnany esepteýdiń jańa qaǵıdatyn qosa alǵanda birqatar túzetý ázirledik»,- dedi Mádenıet jáne sport vıtse-mınıstri Erjan Erkinbaev.