Sheteldikter Túrkııa aýyldaryndaǵy úılerdi jappaı satyp alýda
ASTANA. QazAqparat - Teńizden kólikpen birneshe mınýt júrer jolda ornalasqan taý mańyndaǵy aýyldar shýly shıpaıjaılyq aımaqtardan qashqaqtap júrgen kóptegen sheteldik ınvestorlardyń arasynda áıgili bolýda, dep atap ótti Prian.ru saıtynan.
«Túrkııa sapaly jaǵajaı shıpajaılary bar oryn retinde búkil álemge tanymal boldy. Olaı bolǵanymen, ózderine tynysh ári ádemi jer izdegen klıentter shıpajaılyq eldiń aýyldaryna kóńil aýdaryp otyr», - dep málimdedi Spot Blue International Property dırektory Djýlıan Voker.
«Osy jerlerge birneshe sheteldik satyp alýshylar kelgen soń, qalǵandary sońynan erip otyrady», - dep qosyp ótti ol. Osyǵan mysal retinde Kemer mańyndaǵy Beıdjık aýyly jáne sheteldikter arasynda eń tanymal - Antalıany keltirýge bolady. Munda turǵyn úı satyp alýshylar Ulttyq saıabaqtyń qasynda ornalasqan Olımpos taýynyń etegindegi tynyshtyq pen jaılylyqqa bólenedi.
Vıllalar kesheniniń birinde turǵyn úılerdiń jartysynan kóbine túrikterdiń ózderi ıelik etse, qalǵan úı ıeleri - aǵylshyndar, shotlandııalyqtar, vallıılikter, nemister men reseılikter. Beıdjık ortalyǵy keshenge óte jaqyn ornalasqan.
Túrkııanyń Statıstıkalyq vedomstvosynyń (TurkStat) málimetterinshe, 2014 jyldyń birinshi on aıynda elde sheteldikterge baspana satý deńgeıi 66 paıyzǵa ósken. Sheteldikter eń kóp turǵyn úı satyp alǵan jerler tizimine Antalıa, sondaı-aq Kalkan, Belek, Sıde jáne Alanıa shıpajaılary kirdi. Sheteldik klıentterdiń sany boıynsha ekinshi orynda Ystambul qalasy tur.
