Sheteldikter merzimi ótken qujattaryn aıyppulsyz aýystyra alady
ALMATY. QazAqparat – Tótenshe jaǵdaı rejımi kezinde Qazaqstan aýmaǵynda ýaqytsha bolǵan jáne belgilengen merzimde elden shyǵa almaǵan sheteldikter úshin Ákimshilik quqyq buzýshylyq týraly kodekste qarastyrylǵan sanktsııalar qoldanylmaıdy, dep habarlaıdy QazAqparat tilshisi.
Almaty qalalyq PD habarlaýynsha, eldegi sheteldikter 2020 jyldyń 10 shildesine deıin qosymsha qujattardy toltyrmaı-aq Qazaqstannan shyǵa alady. Sottyń shyǵaryp jiberý týraly sheshimderi bar adamdar 2020 jyldyń 10 shildesine deıin ketýge mindetti. Al Qazaqstan Respýblıkasynda qalǵysy keletin sheteldikter merzimi ótip ketken qujattardy aýystyrýǵa, sondaı-aq olardyń zańdy mártebesin retteýge quqyǵy bar.
Qabyldaýshy taraptyń ótinishi boıynsha jáne osy jyldyń 1 aqpanyna deıin kelgen sheteldikter úshin negizdermen Qazaqstan Respýblıkasynda ýaqytsha turýǵa arnalǵan ruqsat toltyrylady:
- Jergilikti atqarýshy organ bergen jumys ruqsatymen jumys isteýge;
- EAES azamattary úshin (Armenııa, Belarýs, Qyrǵyz Respýblıkasy jáne Reseı Federatsııasy) - qyzmet kórsetýge arnalǵan eńbek sharty nemese azamattyq-quqyqtyq kelisim-shart.
Otbasymen qaýyshý úshin - otbasylyq baılanystardy rastaıtyn qujattar:
– keminde 3 jyl úılengen jubaıy (zaıyby);
– 18 jasqa tolmaǵan, asyrap alynǵan, úılenbegen jáne sheteldikterdiń asyraýyndaǵy jáne (nemese) qamqorlyǵynda turǵan balalar;
–densaýlyǵyna baılanysty 18 jastan asqan, úılenbegen, ózderin qamtamasyz ete almaıtyn balalar;
– sheteldikke táýeldi múgedek ata-analar;
–asyraý mindettelgen basqa da otbasy músheleri.
«Sondaı-aq, qabyldaýshy taraptyń ótinishi boıynsha sheteldikter emdelýge, oqýǵa, iskerlik jáne mıssıonerlik jumysqa turýǵa ruqsat ala alady. Vızanyń negizinde kelgen nemese vızasynyń merzimi ótken sheteldikter shaqyrýshy taraptyń ótinishi boıynsha jáne sebepter bolǵan jaǵdaıda (jumysqa ruqsat, ýákiletti organnyń jazbasha rastaýy, qyzmet kórsetýge kelisim-shart jáne vızany uzartýǵa negiz bolatyn basqa da qujattar) uzartylady. Qaǵıdalardyń 17-tarmaǵynda kórsetilgen memleketterdiń azamattary Qazaqstan Respýblıkasyna kelý jáne bolý, sondaı-aq olardyń Qazaqstan Respýblıkasynan ketýi, qabyldaýshy taraptyń ótinishi boıynsha Qazaqstan Respýblıkasyna 2020 jyldyń 1 aqpanyna deıin kelgen jáne sebepteri bolsa, Qazaqstan Respýblıkasynan shyqpaı-aq tıisti vıza alýǵa quqyly»,– dep atap ótti Almaty qalalyq PD kóshi-qon qyzmeti basqarmasynyń bastyǵy Ashat Býtýnchınov.
Sonymen qatar, eńbek mıgranttary patentterge Qazaqstan Respýblıkasynan tys jerlerge shyqpaı-aq jáne tıisti ótinishterdi berý merzimin buzǵany úshin ákimshilik jaýapkershilikke tartylmaı ótinish bere alady.
Ótpeli kezeń aıaqtalǵannan keıin, 2020 jyldyń 11 shildesinde, Qazaqstan Respýblıkasyndaǵy quqyqtyq mártebesin ornatpaǵan sheteldikterge, Qazaqstan Respýblıkasynyń Ákimshilik quqyq buzýshylyq týraly kodeksine sáıkes ákimshilik sharalar qoldanylady.
