Sheteldikter Qazaqstanǵa reprodýktıvti medıtsına úshin keledi - mınıstrlik
Onyń sózine qaraǵanda, Qazaqstan azamattarynyń em qabyldaýǵa shetelge aǵylýyn toqtatý úshin elimizdegi ınfraqurylymdy damytýǵa ekpin qoıylyp otyr. Osy oraıda qazaqstandyqtar jıi saparlaıtyn elderden ınvestorlar tartylýda.
«Álemde medıtsınalyq týrısterdiń negizgi donory - AQSh. ıAǵnı barlyq elderde azamattar basqa memleketterge baryp, em-dom qabyldaýǵa tyrysady. Bizdiń azamattardyń neǵurlym basym kópshiligi sapaly kómekti eldiń ishinde alǵanyna ekpin qoıyp otyrmyz», - dedi vıtse-mınıstr.
A. Tsoıdyń aıtýynsha, búginde Qazaqstanda jeti medıtsınalyq uıymda GCI halyqaralyq akkredıtatsııasy bar. Bul óz kezeginde osy klınıkalarda emdelý qaýipsiz ekenin jáne barlyq álemdik standarttarǵa saı keletinin dáleldeıdi.
«Ótken jyly em-dom qabyldaýǵa kelgenderdiń sany artqanyn baıqadyq. 1680 shetel azamaty josparly aqyly statsıonarlyq em aldy, 23 myńǵa jýyq sheteldik saýyqtyrý qyzmetterine, onyń ishinde shıpaıjaı em-domyna keldi. Atap aıtqanda, bul baǵytta úlken áleýet bar», - dedi vıtse-mınıstr.
Belgili bolǵandaı, sheteldikter Qazaqstanǵa reprodýktıvti medıtsına múmkindikteri úshin saparlaıdy.
«Ekstrakorporaldy uryqtandyrý, reprodýktıvti medıtsına baǵyty bar. Ol jaıynda shetelde keńinen biledi. Osy oraıda álemniń aldyńǵy qatarly elderinen bizge keledi. Elimizde bul tehnologııalar jaqsy damyǵan», - dedi ol.