Sheteldikter Qazaqstanǵa kirý úshin 10 myń dollardan jalǵan pasport satyp alǵan

ALMATY. QazAqparat - Almaty áýejaıynda jalǵan qujatpen elge kirmek bolǵan sheteldikter ustaldy, dep habarlaıdy QazAqparat.

Ulttyq qaýipsizdik komıteti shekara qyzmetiniń málimetinshe, Almaty qalasynyń áýejaıynda pasporttyq baqylaýdan ótý kezinde jalǵan qujat usynǵan Ortalyq Azııa elderiniń 4 azamaty ustalǵan.

Júgin tekserý kezinde olardyń naqty pasporttary tabyldy.

Aldyn ala derekter boıynsha, olar jalǵan qujattardy Qazaqstan Respýblıkasy arqyly tranzıtpen ótý úshin satyp alǵan.

Bir jalǵan tólqujattyń quny - 10 myń AQSh dollaryn quraǵan.

Jalǵan qujattar tárkilendi.

Olardy elden deportatsııalaý máselesi sheshilip jatyr.