Sheteldikter Qazaqstanda turaqty turý úshin baj salyǵyn tóleýi múmkin
NUR-SULTAN. QazAqparat - Sheteldikterge Qazaqstanda turaqty turýǵa ruqsat berý úshin 4 AEK mólsherinde memlekettik baj salyǵy engizilmek. Bul týraly Parlament Májilisinde kóshi-qon protsesterin retteý máseleleri boıynsha ózgerister engizý týraly zań jobasy tanystyrý barysynda QR Eńbek jáne halyqty áleýmettik qorǵaý vıtse-mınıstri Aqmádı Sarbasov málim etti, dep habarlaıdy QazAqparat tilshisi.
«Kóshi-qon protsesteriniń quqyqtyq bazasyn keńeıtý jáne zańsyz kóshi-qonǵa jol bermeý maqsatynda tıisti usynystar qamtyldy. Birinshiden, sheteldikterge turaqty turýǵa ruqsat berý úshin 4 aılyq eseptik kórsetkish mólsherinde memlekettik baj salyǵyn engizý eskerilgen. Ekinshiden, ulttyq zańnamada readmıssııaǵa arnalǵan quqyqtyq negizderdiń joqtyǵynan, ulttyq zańnamaǵa readmıssııa týraly halyqaralyq erejelerdi engizý usynylady», - dedi vıtse-mınıstr.
Sonymen qatar, atqarýshylyq is júrgizý boıynsha bereshegi bar adamdardyń ketýine shekteýler kózdelgen tolyqtyrýlar engizý qarastyrylǵan. .
