Sheteldikter elimizde qandaı maýsymdyq jumystarǵa tartylady
ASTANA. QazAqparat – Eńbek jáne halyqty áleýmettik qorǵaý mınıstrligi «Maýsymdyq sheteldik jumyskerlerdiń eńbek qyzmetin júzege asyrýy úshin kásipterdiń tizbesin bekitý týraly» buıryǵyn jarııalady, dep habarlaıdy QazAqparat tilshisi.
«Halyqtyń kóshi-qony týraly» 2011 jylǵy 22 shildedegi QR Zańynyń 11-baby 14-6 tarmaqshasyna sáıkes buıyramyn: Qosa berilip otyrǵan maýsymdyq sheteldik jumyskerlerdiń eńbek qyzmetin júzege asyrýy úshin kásipterdiń tizbesi bekitilsin», - delingen Ashyq NQA portalynda jarııalanǵan mınıstr buıyryǵynda.
Qujatta kórsetilgendeı, maýsymdyq eńbek úshin sheteldik jumys kúshi tartylatyn kásipterdiń tizbesine myna salalar endi:
- Baǵbandar jáne baqshashylar;
- Eginshiler jáne kókónisshiler;
- Temeki ónimderin daıyndaý jónindegi jumysshylar;
- Ósimdik sharýashylyǵynda biliktiligi joq jumysshylar;
- Mal sharýashylyǵynda biliktiligi joq jumysshylar;
- Aralas ósimdik jáne mal sharýashylyǵy ónimderin óndirýde biliktiligi joq jumysshylar.
Buıyryq jobasy 17 sáýirge deıin kópshilik talqylaýda bolady.
