Sheteldikter asyrap alǵan 673 qazaqstandyq balanyń taǵdyry beımálim - QR Bas prokýratýrasy
ASTANA. QazAqparat - Sheteldikter asyrap alǵan 673 qazaqstandyq balanyń taǵdyry beımálim.
Bul týraly búgin QR Bas prokýrory Ashat Daýylbaev málim etti. Onyń atap ótýinshe, sońǵy 15 jyldyń ishinde shamamen 50 myń balany asyrap alǵan. Bul rette árbir besinshi balany sheteldikter asyrap alyp óz elderine alyp ketken. «Al bul degenimiz, shamamen, bizdiń 9 myń bala degen sóz. Buǵan qosa olardyń asyrap alǵan otbasyndaǵy ómir súrý jaǵdaıyna baqylaý júrgizý jumystary úzilgen», - dedi ol.
Bas prokýrordyń atap ótýinshe, asyrap alý esepteri der ýaqytynda berilmeıdi. Buǵan qosa, asyrap alynǵan 3,5 myń balanyń ómir súrý jaǵdaıyna qatysty aqparat joq. Bul rette Bilim, Іshki ister, Syrtqy ister mınıstrlikteriniń arasyndaǵy úılestirý jumystary álsiz júrgizilip otyr.
«Nátıjesinde búgingi tańda bizde sheteldik memleketterdiń azamattaryna berilgen 673 qazaqstandyq balanyń qaıda ekendigi týraly málimetterimiz joq», - dedi A. Daýylbaev.
