Sheteldikter Astanany Qazaqstannyń Las-Vegasy dep ataıdy
ASTANA. QazAqparat - Búginde sheteldikter Astanany Qazaqstannyń Las-Vegasy dep ataıdy. Qalany turǵyzýǵa álemge áıgili sáýletshiler atsalysty.
Italıandyq Manfredı Nıkolettı budan 13 jyl buryn elordaǵa eń alǵash ret kelgenin jıi eske alady, dep jazady 24.kz.
Sol kezderi «Qazaqstan» kontsert zalyna arnalǵan eń úzdik jobaǵa halyqaralyq baıqaý jarııalanǵan bolatyn. Nıkolettıdiń jobasy osy baıqaýda jeńimpaz atandy. Rımdik sáýletshi qazir 86 jasta. Ondaǵan ásem ǵımarattardyń avtory. Qazaq dalasynyń oǵan qatty unaǵany sonshalyq, áli kúnge Astana týraly aıtýdan jalyqqan emes.
Ushaqtyń terezesinen qazaqtyń dalasyna qaraǵanda tań qaldym. Buny aıtpasqa bolmaıdy. Men jańa ǵımarattyń jobasyn syzarda ol jerge, ol aýmaqqa ne jetispeı turǵandyǵyn kóz aldyma elestetemin. Ushaq ishinde otyrǵanda men ol jerge gúldiń jetispeı turǵandyǵyn túsindim. Maǵan kontserttik zalym osy dala gúli bolýy kerektigi ıdeıasy keldi, deıdi sáýletshi Manfredı Nıkolettı.
