Sheteldik jýrnalıster Túrkistannyń týrıstik oryndaryn aralady
TÚRKІSTAN. QazAqparat - Túrkistan oblysyna sheteldiń jetekshi buqaralyq aqparat quraldarynyń ókilderi keldi, dep habarlaıy QazAqparat oblys ákiminiń baspasóz qyzmetine silteme jasap.
QR Syrtqy ister mınıstrliginiń bastamasymen kelgen delegatsııa quramynda Ulybrıtanııa, Frantsııa, Qytaı, Italııa, Koreıa, Polsha, Indonezııa elderiniń jýrnalısteri bar. Baspasóz týry elimizdiń týrıstik áleýetin tanytý úshin uıymdastyrylǵan.
Óńirdiń tynysymen jan-jaqty tanysýǵa kelgen 7 memlekettiń jýrnalısterin Túrkistan oblysynyń ákimi Janseıit Túımebaev qabyldady. Kezdesý barysynda óńir basshysy oblysty damytý jónindegi oılary men josparlaryn aıtty.
«Sizdermen san ǵasyrlyq tarıhy bar kıeli Túrkictan jerinde kezdesip otyrmyz. Bul basqosýǵa arqaý bolyp otyrǵan Túrkistan qalasynyń qazaq halqynyń tarıhynda orny erekshe. Túrkistan oblysy elimizde eń kóp týrıst keletin aımaq sanalady. Bizdiń tańǵajaıyp tabıǵatymyz ben tarıhı oryndarymyzdy kórýge keletinder qatary mol. Túrkistanda tarıhı oryndar men eskertkishter, kóne qalalar kóp. Sonymen qatar, taýlar, kólder, ózender men kórikti oryndar da barshylyq. Uly Jibek Joly bizdiń oblysymyzdan ótken. Sizder de óz elderińizge barǵan kezde Túrkistan týraly aıtyp, óńir týrızmin nasıhattaýǵa úles qosasyzdar degen oıdamyn. Búgingi kezdesýde aıtylǵan usynystar men pikirler «Túrkistan oblysynyń týrıstik potentsıalyn damytý» baǵdarlamalyq tujyrymdamasyn júzege asyrýda zor yqpalyn tıgizetinine senimdimin», - dedi Janseıit Qanseıituly.
Kezdesýde Polshanyń «Turystyka.rp.pl» agenttiginiń ókili Anna Klossovska jáne ózge de jýrnalıster óz áserlerin aıtyp, óńir týraly suraqtar qoıdy. Sapar aıasynda shetelden kelgen qonaqtar tarıhy tereń Otyrar aýdanyna da bardy. Óz kezeginde aýdan ákimdigi jýrnalısterdi álemge áıgili Otyrar qalasynyń tarıhymen tanystyrdy. «Arystanbab» kesenesine aıaldaǵan sheteldikter syryn ishine búkken kıeli jerdiń mol murasyna qanyqty.
Munan keıin jýrnalıster Túrkistan óńirin aralady. Buqaralyq aqparat quraldarynyń ókilderi Qoja Ahmet ıAsaýı kesenesi, «Áziret Sultan» memlekettik tarıhı-mádenı qoryǵy jáne Túrkistan qalasyndaǵy basqa rýhanı jáne týrıstik oryndardy aralap, tarıhymyzben tanysty.
2018 jyldyń birinshi jartyjyldyǵynda Túrkistan qalasyna kelýshiler sany 700 myńnan asyp, bul ótken jyldyń osy kezeńimen salystyrǵanda 60%-ǵa kóbeıgen. Mádenıet jáne óner taqyryptary boıynsha mamandanǵan sheteldik jýrnalıster Qoja Ahmet ıAsaýı kesenesiniń qurylysyna, sán-saltanatyna erekshe qyzyǵýshylyq tanytty.
Sondaı-aq, sheteldik qonaqtar Túrkistan qalasy mańyndaǵy maqta alqabyndaǵy aq altyndy jınaý sátine kýá boldy. Aıta keteıik, bıyl óńirdegi 132 myń gektar alqapqa maqta egilgen. Elimizdegi aq altyn ósirip, eksporttaıtyn birden-bir óńirdegi sharýashylyqtyń bul túri sheteldik jýrnalısterdiń qatty qyzyǵýshylyǵyn oıatty.Túrkistanda jýyrda qanat qaǵatyn biregeı joba «Golden Samel Group LTD» túıe sútin óńdeıtin zaýytyna bardy. Táýligine 100 tonnaǵa deıin sút óńdep, 7 túrli energetıkalyq sýsyn shyǵarýǵa múmkindigi bar kásiporynǵa salynǵan ınvestıtsııa kólemi 7,6 mlrd teńgeni quraıdy. Alpaýyt kásiporynnyń jumysy sheteldikterdiń qyzyǵýshylyǵyn týǵyzdy.
