Sheteldik jýrnalıster: Túrkistan - Qazaqstannyń «jasyryn qalǵan jaýhary»
ASTANA. QazAqparat - Búgin QR Syrtqy ister mınıstrligi tarapynan uıymdastyrylǵan press-týr aıasynda 8 sheteldik jýrnalıst Túrkistanda boldy, dep habarlaıdy QazAqparat.
Solardyń biri, ındonezııalyq «Indonesia Tatler» basylymynyń jýrnalısi Lıvıanı Sıntııana Túrkistan - Qazaqstannyń «jasyryn qalǵan jaýhary» dep esepteıdi.
Sapar barysynda sheteldik «The Calvert Journal» (Ulybrıtanııa), «Saga Magazine» (Ulybrıtanııa), «AGIR» (Italııa), «Agora Vox le media» (Frantsııa), «Turystyka» (Polsha), Global Times» (Qytaı), «Indonesia Tatler» (Indonezııa), «International Policy Digest» (Koreıa) tilshileri Qazaqstan halqynyń materıaldyq jáne rýhanı mádenıetine, sondaı-aq týrızmdi damytý máselelerine basa nazar aýdardy.
Jýrnalıster saıahatynyń baǵdarlamasy Astana, Almaty jáne Túrkistan qalalarynyń mádenı jáne tarıhı mekemelerin, tarıhı eskertkishter men basty týrıstik kórikti jerlerine sapar jasaýdy qamtıdy.
Astanada jýrnalısterge arnap qazaq halqynyń dástúrli ulttyq mádenıeti men modern elementteri úılesken baǵdarlama ázirlendi. Olardyń aıtýynsha, Qazaq ulttyq óner ýnıversıteti stýdentteriniń qazaq ulttyq mýzykalyq aspaptarynda oryndaǵan kúıleri men ánderi umytylmas áser qaldyrdy. «Astana Opera» teatrynda operalyq ánshiler men teatr orkestriniń daıyndyqtaryn erekshe yqylaspen baqylady. «Ballet Academy» Qazaq ulttyq horeografııa akademııasynda balettegi jas ártisterdiń ónerin tamashalady. Sondaı-aq «EKSPO-2017» Halyqaralyq mamandandyrylǵan kórmesiniń qazaqstandyq pavılonyn, Ulttyq mýzeı men «Han shatyr» saýda jáne oıyn-saýyq ortalyǵyn aralady.
Túrkistanǵa sapar barysynda jýrnalıster ejelgi Otyrar qalasy, Qoja Ahmet ıAsaýı, Gaýhar ana kesenesi jáne t.b. tarıhı jáne mádenı mura nysandaryn aralady. Sapar aıasynda olardy Túrkistan oblysynyń ákimi Janseıit Túımebaev qabyldap, Túrkistan qalasynyń erekshe orny men aımaqtyń damýy týraly ejgeı-tegjeıli aıtyp berdi. Meımandar úshin qazaq halqynyń turmysy men saltyn kórsetetin arnaıy mádenı-aǵartýshylyq baǵdarlama daıyndaldy.
Al Almatyǵa sapar kezinde Á. Qasteev atyndaǵy Memlekettik óner mýzeıin aralap, ıÝNESKO-nyń reprezentatıvti tizimine engen mádenı muranyń elementterimen tanysty, dástúrli mýzykanyń Mýltımedııalyq ortalyǵy men «Qazaq-Oner» qolónershiler ortalyǵynyń qyzmetin kórdi. Sondaı-aq, jýrnalıster Sharyn kanony, Shymbulaq jáne Kóktóbe sekildi kórikti jerlerde bolyp qaıtty.
Indonezııalyq jýrnalıst L. Sıntıana úshin press-týrdyń eń este qalarlyq sáti Túrkistanǵa sapar bolǵanyn aıtpa ketken jón. «Men barlyq dostarymdy jáne otandastarymdy bul óte keremet jáne asa qonaqjaı adamdary bar ejelgi qalaǵa sapar shegýge mindetti túrde shaqyratyn bolamyn», - dep atap ótti ol.
Polshadan kelgen jýrnalıst Anna Klossovska Qazaqstanda ótkizgen árbir kún tosyn syıǵa toly bolǵandyǵyn jetkizdi. «Men ózim úshin bul kópetnıkalyq halyqtyń baı jáne san alýan mádenıeti men salt-dástúrin ashtym. Batystyń BAQ-tary Astanany Dýbaımen salystyryp jatady, alaıda men Astana tek zamanaýı ǵımarattar emes ekendigin aıtqym keledi. Qalanyń ózindik rýhy bar, ol ulttyq naqyshtaǵy dızaınmen kórkemdelgen fasadtarda kórinis tabady», - dep atap ótti ol.
«The Calvert Journal» atty brıtandyq basylymnyń jýrnalısi Nadıa Berd bul press-týrdy eldiń mádenıeti jáne tarıhı murasymen tanysý úshin tamasha múmkindik bolǵandyǵyn atap ótti. «Bul sapar barysynda biz qazaqstandyq halyqtyń tek mádenıetiniń alýandyǵyna emes, sonymen qatar san alýan tabıǵaty men sáýletine kýá boldyq. Jalpy aıtqanda jańany, eskini jáne dástúrli zattardy kórgen keremet boldy dep oılaımyn», - dep aǵynan aqtaryldy brıtandyq jýrnalıst.
«Jahandyq álemdegi zamanaýı qazaqstandyq mádenıet» atty joba aıasynda júzege asyrylǵan úshinshi press-týr, sondaı-aq týrızmdi damytýǵa jáne jalpy Qazaqstannyń serpindi túrde damyp otyrǵan memleket retindegi ımıdjin qalyptastyrýǵa baǵyttalǵan.
