Sheteldik jumys kúshine belgilengen kvota qazir eńbekke qabiletti halyqtyń 0,75 paıyzyn quraıdy - G. Ábdiqalyqova
ATY. 26 mamyr. QazAqparat /Erlik Erjanuly/ - Bıylǵy 1 maýsymnan bastap sheteldik jumys kúshine qatysty qosymsha jańa norma engizildi.
Bul týraly búgin Almatyda ótken "Qazaqstandaǵy sheteldik ınvestıtsııalar: tájirıbe, mindet jáne keleshek" dep atalatyn dóńgelek ústelde Eńbek jáne halyqty áleýmettik qorǵaý mınıstri Gúlshara Ábdiqalyqova aıtty.
"Sheteldik jumys kúshine berilgen kvota buryn eńbekke qabiletti halyqtyń 1,25 paıyzyn qurap kelgen edi. Jumys oryndary bul qyzmetkerlerdiń ózine qanshalyqty tıimdi ekenin qaıta saraptap, kvota sońǵy 3 jylda 40-50 paıyzǵa ǵana oryndalýda. Sonyń nátıjesinde ol 1,25-ten 0,75 paıyzǵa deıin tómendedi", - deıdi G. Ábdiqalyqova.
Onyń aıtýynsha, Investorlar keńesinde jergilikti personaldardy oqytý máselesi qozǵalýda. Aldaǵy ýaqytta 1-shi dárejeli personaldardyń 90 paıyzy, al 2-shi dárejeli personaldardyń 70 paıyzy qazaqstandyqtar bolady. Bul kezeń-kezeńimen júzege asatyn naqty shara.
