Sheteldik jumys kúshin tartý úshin ruqsattama alǵandar memleketke alymdar tóleıdi - T. Dúısenova
Mınıstrdiń aıtýynsha, zań jobasy ishki eńbek naryǵyn qorǵaý, halyqaralyq mindettemelerge sáıkes bilikti sheteldik mamandardyń erkin naryǵyn qurý, etnıkalyq qazaqtardyń tarıhı otanyna oralýyn yntalandyrý maqsatynda kóshi-qon úderisin utymdy retteýge baǵyttalady.
«Bul rette sheteldik jumys kúshin tartýǵa qatysty ondaı kvota halyqtyń ekonomıkalyq belsendi sanynan emes, ekonomıka salalary boıynsha qalyptasatyn bolady. Jumys berýshilerge sheteldik jumys kúshin tartý úshin ruqsattama berý ıdeologııasy túbegeıli qaıta qaraldy. Endi ruqsattama berilgeni úshin memlekettik bıýdjetke alymdar jınalady. Atalǵan alymnyń mólsheri jumysshylar sany men tartylatyn salaǵa baılanysty saralanady. Máselen, tartylatyn jumysshylardyń biliktiligi tómen bolsa, onyń tólenetin aqysy joǵary bolady», dedi mınıstr Tamara Dúısenova.
Onyń aıtýyna qaraǵanda, Qazaqstanǵa óz betinshe jumysqa ornalasýǵa kelgen sheteldik mamandar úsh aı merzim ishinde ekonomıkanyń basym salalarynda qajet mamandar tizbesi boıynsha biliktiligi sáıkestigine anyqtama negizinde óz mamandyǵymen jumysqa ornalasýyna múmkindik alady. Bul sanattaǵy joǵary bilikti sheteldik mamandar atalǵan anyqtamany alý úshin onyń bilimin, is tájirıbesin, jumys ótilin jáne ózge de biliktiligin baǵalaıtyn baldyq júıeden ótedi.
«Іshki korporatıvtik aýystyrý úderisterin sheteldik jumys kúshin tartýdaǵy jalpyǵa birdeı álemdik standarttarǵa, Dúnıejúzilik saýda uıymynyń talaptaryna jáne osyǵan baılanysty Qazaqstannyń ózine alǵan mindettemelerge sáıkes jetildirý kózdeledi», dedi mınıstr T. Dúısenova.
Onyń aıtýynsha, bul ózgerister 2017 jyldyń 1 qańtarynan iske qosylady.