Sheteldik jumys kúshi bar kásiporyndarda shıelenisti boldyrmaý jospary ázirlenýde
«Memleket basshysy shetel kompanııalary qyzmetkerleriniń eńbek jaǵdaıy men eńbekaqy máselesine erekshe nazar aýdardy. Búgingi tańda qyzmetkerlerge teń eńbek jaǵdaıyn jasaý, eńbekti qorǵaýdy basqarýdyń zamanaýı júıesin engizý boıynsha jumys berýshilerdiń mindetteri men jaýapkershiligin bekitýdi kózdeıtin zań jobasy ázirlendi, qujat jaqyn arada Parlamentke jiberiledi», - dedi ol.
G. Ábdiqalyqovanyń sózine qaraǵanda, qoıylǵan tapsyrmalardy júzege asyrý úshin shetel jumys kúshin tartatyn kásiporyndarda shıelenistiń aldyn alý jáne boldyrmaý is-sharalar jospary ázirlenýde.
«Keıbir kásiporyndarda tekserýler júrgizý josparlanǵan. Onyń qorytyndysyna sáıkes, zańnamalyq aktilerdi jetildirý boıynsha keshendi usynystar ázirlenetin bolady», - dedi ol.