Sheteldik júk tasymaldaýshylar Qazaqstan aýmaǵymen 13 myń zańsyz reıs jasaǵan
«Avtokólikpen júk tasymaldaý logıstıkasynda problemamyz bar. Bizdiń memleketimiz halyqaralyq tasymaldardy retteıtin konventsııanyń múshesi bolyp esepteledi. Sonyń aıasynda 43 memleketpen júk tasymaly jolǵa qoıylǵan, ıaǵnı biz olardyń aýmaǵynda, olar bizdiń aýmaqta júk tası alady. Biraq, Qazaqstan aýmaǵy arqyly ótetin júktiń 70 paıyzyn sheteldik kompanııalar, 30 paıyzyn ǵana qazaqstandyq kompanııalar tasymaldap keledi. Biz muny ádiletsizdik dep esepteımiz. Ol jaǵdaıǵa ushyratqan – Qarjy mınıstrligi men Indýstrııa jáne ınfraqurylymdyq damý mınıstrligi. Óıtkeni, keden organdary men kólik organdary osy mınıstrlikterge baǵynyshty», - dedi sarapshy prokýratýra organdarynyń bıznes ókilderimen kezdesýinde.
Palata ókiliniń sózine qaraǵanda, máseleni Premer-Mınıstrdiń deńgeıinde kótergennen keıin baryp naqty jaǵdaı aıqyndalǵan.
«Bizge zańsyz kirgen kólikterdiń kólemin taptyq. Jyl saıyn sheteldik kompanııalarǵa júk tasymaldaý kvotasy belgilenedi. Sol kvotadan tys 13 myń reıs zańsyz oryndalǵany belgili bolyp otyr. Qazir osy fakti boıynsha tekserý bolyp jatyr. Bul reısterdiń bárin otandyq kompanııalar oryndaýy kerek edi. 13 myń reıs degenimiz – shamamen 45-50 mlrd teńgeniń kóleminde kiris degen sóz. Onyń ishinde salyǵy, jumysshylardyń aılyǵy, áleýmettik tólemderi bar. Osynsha dúnıe syrtqa ketip jatyr. Óz kompanııalarymyz oryndasa, bul aqsha ishte qalar edi», - deıdi Bolatbek Álıev.
Sondaı-aq, ol atalǵan 13 myń reıstiń kóbi Eýropamen arada qatynaıtynyn aıtty.
«Bul reısterdiń kóbi Eýropa elderimen arada qatynaıdy. Ondaı reısti oryndaýdyń bir jaq quny 6-7 myń eýrodaı bolady. Baryp-kelýin eseptesek, ár reıstiń quny 13 myń eýro degen sóz. Osyny 13 myń reıske kóbeıtseńizder, avtokólik tasymalynyń durys qadaǵalanbaýy saldarynan ǵana qansha kiristiń syrtqa ketip jatqanyn túsinýge bolady», - dedi «Atameken» UKP ókili.
