Sheteldik júk kólikterin tekserýdiń nátıjesi jarııalandy
ASTANA. QazAqparat - 2018 jyldyń birinshi jartyjyldyǵynyń qorytyndylary boıynsha Qazaqstanda aýyr júk kólikterin tekserý 9 paıyzǵa ósti. Al anyqtalǵan zań buzýshylyqtar sany úsh esege artty, dep habarlaıdy QazAqparat.
«Alty aıda barlyq aımaqtyq bólimsheler 97 myń avtokólik quralyn tekserdi. Byltyrǵy jyldyń sáıkes kezeńimen salystyrǵanda tekseris 9 paıyzǵa ósti. Oryn alǵan zań buzýshylyqtar sany 30 paıyzǵa joǵarylady. Shyǵys Qazaqstan oblysynda tasymaldaýshylardyń zańdy jıi buzýy 55 paıyz bolsa, Qyzylorda oblysynda - 48 paıyzdy, OQO-da - 41 paıyzdy, BQO-da 40 paıyzdy qurady», - delingen QR IDM baspasóz qyzmetiniń málimetinde.
Jarty jyl ishinde halyqaralyq normalardy saqtamaǵan úshin jaýapkershilikke tartylǵandar sany 680-ge jetken.
Eseptik merzimde respýblıka boıynsha 45 myń sheteldik avtokólik quraly tekserildi. Aýyr júkti elimizge jáne Qazaqstan terrıtorııasymen Qyrǵyzstan (14 myń tekseris), Reseı (11 myń), Ózbekstan (3,6 myń) tasymaldaýshylary ótkizgen.
