Sheteldik JOO-larda 60 myń qazaqstandyq bilimin shyńdap jatyr
«Bolashaq» baǵdarlamasyn osy ýaqytqa deıin halyqaralyq reıtıngter birneshe ret tórine shyǵarǵan bolatyn. Batys elderinde jastar bir jyl oqyp, kelesi jyly oqýyn jalǵastyrý úshin jumysqa ornalasady. Osylaısha, ózin-ózi oqytady. «Bolashaq» baǵdarlamasy ata-analarǵa serpin berip, olar balalaryn álemniń úzdik oqý oryndaryna jibere bastady. Qazirgi tańda 60 myń jas qazaqstandyq Qazaqstannan tys JOO-larda bilimin shyńdap jatyr. Álemdik sanattaǵy bizdiń ýnıversıtettiń qurylýy - eldegi adam kapıtalyn damytýdyń kelesi qadamy bolǵany anyq. Áý basta kóp adam bul bastamamyzǵa senimsizdik bildirgen edi. Tipti búgin de bul baılar men elıtalarǵa arnalǵan oqý degendi estip qalyp jatamyz. Sizder olaı emes ekenin dáleldedińizder», - dedi Elbasy.
Tuńǵysh Prezıdent óz sózinde Nazarbaev ýnıversıtetine jastar tek bilimimen túse alatynyn málim etti. Bul sóz zaldan qoldaý taýyp, sóz sońy uzaq shapalaqqa ulasty.
«Osy ýnıversıtetke túsetindeı áleýet jınaý úshin men Qazaqstannyń barlyq aımaqtarynda Nazarbaev Zııatkerlik mektebin ashtym. Eldiń túkpir-túkpirinen jas balalar kelip, bilimin dáleldep, mektepterde oqyp jatyr. Mine, dál sol mektepterden balalar osy JOO-ǵa túsip jatyr. NZM-niń de synǵa iligip qalatyny bar. Dese de, ol jerde ádiletsizdik bar dep eshkim aıta almaıdy. Bul - bizdiń eldegi eń ashyq mektep. Barlyq jerde osyndaı bolsa deımin. 9 jyldyń ishinde ýnıversıtet Qazaqstannyń brendine aınaldy», - dedi Nursultan Nazarbaev.
Elbasynyń aıtýynsha, NÝ jobasy TMD aýmaǵynda jetekshi mańyzǵa ıe oqý ordasyna aınaldy.
«Reseıdi qosqanda barlyq JOO reıtıngine kóz júgirtsek, biz joǵary turmyz. Ýnıversıtettiń sapasy joǵary ekenin osydan bile berińizder. Sapaly bilim alyp kele jatqan sizder - eń baqytty jas býynsyzdar», - dedi ol.
Eske sala ketsek, Nazarbaev ýnıversıtetinde saltanatty túrde V oqý bitirý rásimi ótip jatyr. Bıyl atalmysh ýnıversıtettegi túlekter sany - 963 stýdent. Onyń ishinde 565 stýdent - bakalavrıat, 378 stýdent - magıstratýra, 14-i - medıtsına doktory jáne 6 stýdent - doktorantýra baǵdarlamasy boıynsha oqý bitirip jatyr.
Túlekterdiń kópshiligi - Ǵylym jáne tehnologııalar mektebiniń (270 túlek), Injenerııa mektebiniń (225 túlek), Gýmanıtarlyq jáne áleýmettik ǵylymdar mektebiniń (168) bakalavrıat baǵdarlamasynyń stýdentteri. Magıstrlik baǵdarlama boıynsha Joǵary bıznes mektebin - 82 stýdent, Joǵary bilim berý mektebin - 80 túlek, Joǵarǵy memlekettik saıasat mektebin - 49 túlek, Injenerııa mektebin - 70 túlek, Ǵylym jáne tehnologııalar mektebin - 34 túlek, Gýmanıtarlyq jáne áleýmettik ǵylymdar mektebin - 19 túlek, Medıtsına mektebin - 27 túlek, Taý-ken isi jáne Jer týraly ǵylym mektebin - 20 túlek aıaqtaǵan.
