Sheteldik jer qoınaýyn paıdalanýshylarmen kelisimshart aıasynda jergilikti qamtý úlesi qaıta qaralady
NUR-SULTAN. QazAqparat – Sheteldik jer qoınaýyn paıdalanýshylarmen kelisimshart aıasynda jergilikti qamtý úlesi qaıta qaralady. Bul jaıynda Májilis depýtattarynyń saýalyna QR Premer-Mınıstriniń orynbasary Roman Sklıardyń jaýabynda aıtylǵan, dep habarlaıdy QazAqparat tilshisi.
«Qazaqstan Respýblıkasynyń memlekettik satyp alýlar máseleleri jónindegi keıbir zańnamalyq aktilerine ózgertýler men tolyqtyrýlar engizý týraly» zańy jobasynyń aıasynda «Jer qoınaýy jáne jer qoınaýyn paıdalaný týraly» kodeks 61, 62 jáne 63-baptarmen tolyqtyryldy. Onda Indýstrııa jáne ınfraqurylymdyq damý, Energetıka mınıstrlikterine jáne Ulttyq kásipkerler palatasyna jer qoınaýyn paıdalanýshylarmen kelisimshart jasasýda kásipkerlikti yntalandyrý boıynsha qyzmet bekitilgen», - delingen Roman Sklıardiń jaýabynda.
Onyń atap ótýinshe, rásimdelgen kelisim Qazaqstannyń Dúnıejúzilik saýda uıymyna kirýinen keıingi kóshpeli kezeńniń aıaqtalýyna baılanysty satyp alynatyn taýarlar, jumystar men qyzmetterdiń jergilikti qamtý úlesin saqtaýǵa jáne arttyrýǵa baǵyttalǵan. Bul kelisimniń oryndalýyn jiti baqylaý QR Indýstrııa jáne ınfraqurylymdyq damý, Energetıka mınıstrligimen qatar «Atameken» Ulttyq kásipkerler palatasyna júktelgen.
