Sheteldik jankúıerler Dımashtyń týǵan kúnin atap ótýde

NUR-SULTAN. QazAqparat - Búgin tanymal qazaqstandyq ánshi Dımash 26 jasqa toldy, onyń qytaılyq jankúıerleri áleýmettik jeli arqyly ánshiniń týǵan kúnin atap ótýde, dep habarlaıdy QazAqparat.

Kóptegen adamdar týǵan kúndi toılaýǵa arnalǵan qysqa beınerolıkter jasap, osylaısha Dımashqa tilekterin bildirdi.

Keıbir jankúıerler Dımashty týǵan kúnimen quttyqtaý úshin túsirilgen qysqa metrajdy fılmderde án aıtyp, bı bılep, fortepıanoda oınady.

Keıbir jankúıerler Dımash úshin súıkimdi portretin ázirlegen.

Qytaıda jıi qoldanylatyn áleýmettik jeli Weibo-da, kóptegen jankúıerler Dımashtyń jeke akkaýntynda týǵan kúnge arnalǵan quttyqtaýyn qaldyrdy. Týǵan kúnge arnalǵan paraqshada pikir qaldyrǵan jáne bólisken adamdar sany 20 000-nan asty jáne ol áli de ósip keledi.

Eske sala ketsek, Dımashtyń jankúıerleri ánshiniń týǵan kúnine syılyq retinde shólge 3 myńnan astam tal ekti.