Sheteldik jáne otandyq iri ınvestorlar «Baikonyr Invest» alańyna jınalady
QYZYLORDA. QazAqparat - 15-16 qarasha kúnderi Qyzylorda qalasynda «Baikonyr Invest» ІH ınvestıtsııalyq forýmy ótedi, dep habarlaıdy QazAqparat.
«Halyqaralyq yntymaqtastyqty damytý» taqyrybyndaǵy forýmnyń maqsaty - óńir kásipkerlerine sheteldik jáne otandyq ınvestorlarmen ózara seriktestik ornatýǵa yqpal etý, ınvestıtsııalyq jobalardy iske asyrý úshin bıznes, bilim jáne ǵylym ókilderin biriktirý, ekonomıkany ártaraptandyrý jolynda mańyzdy ekonomıkalyq bastamalardy damytý.
Forým jumysy plenarlyq otyrystan jáne 5 sektsııadan turady. Onyń biri «Týǵan jerge taǵzym» sektsııasyna Qyzylorda oblysynan shyǵyp, elimizdiń ózge aımaqtarynda qyzmet etip júrgen isker azamattar qatysady. Al 4 sektsııanyń jumysy «Qazaqstan-Reseı», «Qazaqstan-Iran», «Qazaqstan-Qytaı» jáne «Qazaqstan-Ózbekstan» elderimen yntymaqtastyqqa baǵyttalǵan.
Forýmǵa Reseı, QHR, Ózbekstan jáne Irannyń delegatsııalary qatysady dep kútilýde. Sonymen birge, sharaǵa Túrkııa, Ońtústik Koreıa, Malaızııa elderinen de qonaqtar keledi dep josparlanýda.
Shara barysynda ınvestıtsııa talap etetin jobalar kórmesi men V2V, G2B, G2G kezdesýler uıymdastyrylyp, birqatar memorandýmdarǵa qol qoıylady. Atap aıtqanda, plenarlyq otyrys qorytyndysymen: Qyzylorda oblysy ákimdigi men túrkııalyq «Yildizlar SSS Holding» kompanııasy arasynda ınvestıtsııalyq jobalardy júzege asyrý jónindegi kelisimge; «Baıqońyr» ÁKK» UK» AQ men «Yildizlar SSS Holding» kompanııasy arasynda quryltaıshylyq kelisimge; Qyzylorda oblysy ákimdigi men qytaılyq «Xinjiang Bo Bao Trading Co.» kompanııasy arasynda Qyzylorda qalasynyń sol jaǵalaýynda ınvestıtsııalyq jobalardy júzege asyrý jóninde memorandýmǵa qol qoıylady dep kútilýde.
Oǵan qosa, árbir sektsııa sońynda yntymaqtastyq jónindegi birqatar kelisimderge qol qoıylady dep josparlanýda.
