Sheteldik úzdik ǵalymdarǵa 10 jylǵa Ǵylymı-pedagogıkalyq vıza berilmek

ASTANA. QazAqparat – Sheteldik úzdik ǵalymdarǵa 10 jylǵa «Ǵylymı-pedagogıkalyq vıza» beriledi. Bul týraly búgin Úkimet otyrysynda Eńbek jáne halyqty áleýmettik qorǵaý mınıstri Tamara Dúısenova aıtty, dep habarlaıdy QazAqparat tilshisi.

Mınıstrdiń aıtýynsha, «Ashyq Qazaqstan 500+» atty kóshi-qon saıasatynyń jańa tujyrymdamasynyń birinshi baǵyty – Qazaqstandy óńirlik bilim berý habyna aınaldyrýdy kózdeıtin bilim berý ımmıgratsııasy. Bul baǵyttaǵy jumys joǵary oqý oryndarynyń professor-oqytýshylar quramyn kúsheıtýge jáne bilim berý sapasyn arttyrýǵa arnalǵan. Ol úshin 100 úzdik oqytýshy men suranysqa ıe tehnologııalar boıynsha ǵalymdardy Qazaqstanǵa tartý usynylady.

«Bul sanattaǵy kadrlarǵa on jyldyq «Ǵylymı-pedagogıkalyq vıza» berýdiń ońaılatylǵan tártibin engizý kózdelip otyr. Sonyń negizinde olarǵa Qazaqstanda turaqty turý úshin yqtııarhat alý, odan keıin azamattyq alý múmkindikteri qarastyrylady. Dál osyndaı múmkindikti tapshy mamandyqtar boıynsha oqıtyn sheteldik stýdentter qatarynan magıstranttar men bakalavrlarǵa da berý qarastyrylǵan», - dedi Tamara Dúısenova.