Sheteldik ulttyq agenttik basshylary Grekııada yntymaqtastyq deklaratsııasyn qabyldady
SALONIKI. QazAqparat - Grekııada ótip jatqan «Jańa Jibek joly» forýmy kóptegen memleketterdiń ulttyq agenttikteriniń basshylarynyń basyn qosty. Sharany Afıny-Makedonııalyq aqparat agenttigi (ANA) uıymdastyrdy, dep habarlaıdy QazAqparat.
BAQ sammıti Grekııada jyl saıyn ótetin iri oqıǵa - Salonıkıdegi 82-shi Halyqaralyq jármeńke - TIF 2017 aıasynda uıymdastyryldy. Atalmysh sharanyń saıası mártebesi bar, óıtkeni onda saıasat salasynyń maıtalmandary men eldiń iri bıznes ókilderi bas qosady.
Forým delegattary saýda jáne mádenı baılanystardy nyǵaıtýǵa baǵyttalǵan kommýnıkatsııany jetildirýdi kózdeıtin arnaıy deklaratsııaǵa qol qoıdy.
Mundaǵy maqsat - mamandar men aqparat almasý. Birlesken qımyldardy júzege asyrý men úılestirý maqsatynda forýmǵa qatysýshylar hatshylyq qurýdy kózdeıdi jáne onyń bazasy Salonıkıde ornalasady.
ANA prezıdenti Mıhalıs Psılostyń aıtýynsha, hatshylyqqa qatysý erikti jáne qyzyǵýshylyq tanytqandardyń barlyǵy úshin ashyq túrde júzege asyrylady.
Forýmǵa «QazAqparat» HAA agenttigi, Qytaı, Reseı, Túrkııa, Ázerbaıjan, Armenııa, Bolgarııa, Polsha, Italııa, Ispanııa, Chehııa sııaqty ózge de memleketterdiń aqparat agenttikteriniń basshylary qatysady.
