Sheteldik tikeleı ınvestıtsııalardyń taza túsimi 13,1 mlrd. dollardan asty
ALMATY. 7 aqpan. QazAqparat - 2011 jyly sheteldik tikeleı ınvestıtsııalardyń (ShTI) Qazaqstanǵa taza túsimi bazalyq kezeńdegi 10,7 mlrd. dollarmen salystyrǵanda 13,1 mlrd. dollardan asyp tústi.
Bul týraly QR Ulttyq bankiniń Qazaqstannyń tólem balansynyń 2011 jylǵy aldyn ala nátıjeleri týraly habarlamasynda aıtylǵan.
Aldyn ala baǵalaý boıynsha, qarjylyq shot boıynsha kórsetilgen kezeńde 7,2 mlrd. dollar bolatyn netto-áketý qalyptasty. Shet elge tikeleı ınvestıtsııalar boıynsha 4,4 mlrd. dollar bolǵan netto-áketý aktsıonerlik kapıtaldyń ósýimen qamtamasyz etildi. Bul rette aktsıonerlik kapıtaldyń ósýi buǵan deıin qazaqstandyq tikeleı ınvestorlardan alynǵan zaemdardy óteýge sheteldik kompanııalardyń kapıtalyn tolyqtyrýmen ishinara baılanysty boldy. Qazaqstandyq kompanııalardyń ózderiniń enshiles sheteldik kompanııalar aldyndaǵy mindettemelerin óteýimen qatar (negizinen, 1-jartyjyldyqta) esepti kezeńniń 3-toqsanynda munaı-gaz sektorynyń jetekshi kompanııalarynyń biriniń sındıtsırlengen zaem tartýy esebinen ósýi baıqalady.
Bazalyq kezeńmen salystyrǵanda elge ShTI-diń netto-ákelinýiniń ulǵaıýy negizinen shet eldiń qatysýy bar bankterdiń jáne banktik emes sektor kásiporyndarynyń aktsıonerlik kapıtalynyń ulǵaıýymen, sondaı-aq qazaqstandyq kásiporyndardyń bólinbegen paıdasynyń (qaıta ınvestıtsııalanǵan paıda) ósýimen baılanysty operatsııalarmen qamtamasyz etildi. Nátıjesinde, tikeleı ınvestıtsııalaý operatsııalary boıynsha oń balans esepti kezeńde 8,8 mlrd. doll. bolyp baǵalanady.
Aldyn ala derekter boıynsha 12,6 mlrd. dollar bolatyn qorjyndyq ınvestıtsııalar boıynsha netto-áketilý, negizinen QR Ulttyq qorynyń sheteldik aktıvteriniń 11,4 mlrd. dollarǵa ósýimen qamtamasyz etiledi. Ótken jyldyń ekinshi-tórtinshi toqsandarynda Ulttyq banktiń qysqa merzimdi nottary naryǵynan rezıdent emesterdiń ketýi Ulttyq banktiń nottarymen operatsııalar boıynsha 0,2 mlrd. dollar bolatyn resýrstyń netto-áketilýine ákep soqty.
