«Sheteldik telehıkaıalar qazaqstandyq jastardyń sanasyn ýlap jatyr» - respýblıkalyq basylymdarǵa sholý

***

Búgin Tashkentte Shanhaı yntymaqtastyq uıymyna múshe memleketter basshylary keńesiniń májilisi bolady. Onyń qorytyndysynda ShYU-ǵa tóraǵalyq Qazaqstanǵa ótedi. Osy jaıt arqaý bolǵan maqala «Egemen Qazaqstan» gazetiniń juma kúngi nómirinde «Óńirlik qaýipsizdik - ortaq múdde» degen taqyryppen basyldy. Qazaqstan basshysy Nursul­tan Nazarbaev keshe Shanhaı yntymaqtastyq uıymy aıasynda Ózbekstan Respýblıkasy­nyń Prezıdenti Islam Karımov­pen, Reseı Federatsııasynyń Prezı­denti Dmıtrıı Med­vedevpen eki­jaqty kezdesý ótkizip, jıynǵa qa­tysty máseleler jónin­de pikir almasqan. «Shanhaı yntymaqtastyq uıy­my­na múshe memleketter bas­shyla­ry keńesiniń otyrysy búgin bo­lady. Aldymen uıymǵa qa­tysýshy memleketter basshy­lary­nyń shaǵyn quramdaǵy otyrysy ótedi, odan soń Keńes otyrysy keńeıtilgen quram­da jalǵasady. Keńes otyrysynan soń qory­tyndy qujattarǵa qol qoıylady dep kútilýde. Sondaı-aq Keńestiń osy májilisinde Shanhaı ynty­maqtastyq uıy­myna tóraǵa­lyq etý Qazaqstanǵa ótedi», dep jazady basylym.

Sondaı-aq osy aıtýly sharaǵa keńinen toqtalǵan «Kazahstanskaıa pravda» gazetiniń jazýynsha, Ózbekstan astanasyndaǵy alqaly jıyn barysynda qaýipsizdik jáne ekonomıkalyq yntymaqtastyq máseleleri kóteriledi. Sonymen qatar keńeske qatysýshylar lańkestikpen, ekstremızmmen, esirtki bıznesimen kúres máselelerin, Aýǵanstan men Qyrǵyzstandaǵy oqıǵalar syndy birqatar halyqaralyq problemalardy talqyǵa salmaq.

«Egemen Qazaqstan» gazetiniń QR Úkimet basshysynyń baspasóz qyzmetine silteme jasap habarlaýynsha, keshe Úkimet úıinde QR Premer-Mınıstri Kárim Másimovtiń tóraǵalyǵymen «Astananyń jańa ýnıversıteti» AQ Dırektorlar keńesiniń kezekti otyrysy ótken. Otyrysqa qatysýshylar ýnıversıtettiń daıarlyq ortalyǵyna oqytýǵa qabyldaý erejelerin, onyń Halyqaralyq konsýltatıvtik jáne Ónerkásiptik keńesteriniń quramyn bekitti, sondaı-aq ýnıversıtet qyzmetin uıymdastyrýdyń basqa da máselelerin qarady. Astananyń jańa ýnıversıtetiniń ashylýy 2010 jylǵy maýsymnyń 28-ine belgilenip otyr, bul kúni jetekshi halyqaralyq oqý oryndarymen - ýnıversıtet áriptesterimen seriktestik kelisimderge qol qoıý josparlanýda. Qazirgi kezde Qazaqstannyń barlyq aımaqtarynda Astananyń jańa ýnıversıtetine qabyldaý emtıhandary ótip jatyr. Oǵan 3 myń talapkerden ótinim tústi, solardyń ishinen 500 tańdaýly stýdent iriktelip alynbaq.

«Maýsymnyń 10-ynda EQYU-nyń Іs basyndaǵy tóraǵasy, elimizdiń Memlekettik hatshysy - Syrtqy ister mınıstri Qanat Saýdabaev bastaǵan delegatsııa Danııa Koroldiginde resmı saparmen boldy», dep jazady «Egemen Qazaqstan» gazeti juma kúngi sanynda. Sapar aıasynda atalǵan eldiń Premer-Mınıstriniń orynbasary - Syrtqy ister mınıstri Lene Espersenmen kelissózder ótkizgen. Kezdesý barysynda L.Espersen hanym EQYU-ǵa qazaqstandyq tóraǵalyqqa, onyń ishinde Qyrǵyzstandaǵy daǵdarysty retteýge joǵary baǵa bergen. Sondaı-aq EQYU sammıtin bıylǵy jyly ótkizý týraly Qazaqstannyń bastamasyna qoldaý bildirip, aýǵan problemasynyń búkil kúrdeli sıpatyn eskere otyryp, bul másele sammıttiń kún tártibinde negizgi taqyryptardyń biri bolýy kerektigin atap ótken.

***
«Jańa mınıstrlerden jańa jemqorlar shyqty». «Alash aınasy» gazetiniń juma kúngi nómirinde osy taqyryppen basylǵan maqalada Qarjy polıtsııasynyń Indýstrııa jáne jańa tehnologııalar mınıstrliginiń birneshe laýazymdy qyzmetkerin ustaǵandyǵyn baıandaǵan. «Olardyń bireýi para alǵandyǵy úshin sottalsa, taǵy ekeýdiń qylmysyna qatysty tergeý amaldary júrip jatyr. Jalpy, bıyl para alý derekteri ótken jylmen salystyrǵanda 33 paıyzǵa kóbeıip ketken», dep jazady basylym. Maqalanyń egjeı-tegjeıin oqyǵyńyz kelse basylymnyń búgingi sanyna nazar salyńyz.

«Úkimettiń keshegi otyrysynda basty rólde Bilim jáne ǵylym mınıstri Janseıit Túımebaev «oınady». Olaı deıtin sebebimiz, J.Túımebaev ózi bas bolyp daıyndap shyqqan elimizdegi bilim berýdi damytýdyń 2011-2020 jyldarǵa arnalǵan baǵdarlamasy kókparǵa tústi», dep jazady «Alash aınasy» gazeti. Keńes barysynda Úkimet basshysy K.Másimov baǵdarlamanyń kemshin tustaryn atap kórsetip, bul oraıda jastar saıasatyna qatysty máselesin jetildire túsýdi júktegen. «Ózge arnalardan kórsetilip otyrǵan serıaldar bizdiń jalpy nasıhattaý sharalaryna qaraǵanda yqpaldy áreket etip jatyr. Sebebi qansha tyrysqanymyzben, aqparattyq yqpal etý, ıaǵnı onyń ishinde basqa elderdiń teleserıaldary jastarǵa óte qatty áser etedi», depti Úkimet basshysy. Maqala «Sheteldik telehıkaıalar qazaqstandyq jastardyń sanasyn ýlap jatyr» degen taqyryppen jarııalandy.

***

«Alash aınasy» gazetiniń jazýynsha, keshe Qazaqstan Prezıdentiniń Qyrǵyzstanmen yntymaqastyq jónindegi arnaıy ókili Bolat Ótemuratov ótpeli kezeńdegi Qyrǵyzstan ýaqytsha úkimetiniń tóraıymy Roza Otynbaevamen jáne onyń orynbasarlary Temir Sarıevpen, Ómirbek Tekebaevpen kezdesken. R.Otynbaevamen kezdesýde Qyrǵyzstannyń jańa konstıtýtsııasyn qabyldaý jónindegi referendýmdy ázirleý jáne ótkizý aýqymyndaǵy yntymaqtastyq máseleleri, áleýmettik-ekonomıkalyq problemalar, sonyń ishinde týrıstik maýsymdy uıymdastyrý jaıy talqylanǵan. «Qazaqstandyq tarap Qazaqstan aýmaǵyndaǵy qyrǵyzstandyqtardyń referendýmǵa qatysýy úshin jaǵdaı týǵyzýǵa kómek kósretýge ázir ekendigin bildirdi», dep jazady basylym.

«Aıqyn» gazetiniń dástúrli «Aq sóıle!» aıdarynyń búgingi qonaǵy - Sháken Aımanov atyndaǵy «Qazaqfılm» Aq-nyń prezıdenti, Qazaqstannyń eńbek sińirgen qaıratkeri Ermek Amanshaevpen aradaǵy suhbat «Eń bastysy, kıno ındýstrııasy sala retinde qalyptasýy qajet» degen taqyryppen basylǵan. Basylym tilshisiniń san túrli saýaldaryna tuşymdy jaýap bergen ol «kıno óndirisiniń áli bizde qalyptasa qoımaǵan kóptegen alǵysharttary bar. Olardy ornyqtyrý úshin júıeli jumys qajet. Bastysy, ımıdjge, ult muratyna qatysty fılmdermen qatar kórermen talabynan shyǵatyn fılmder de bolǵany durys. Ondaı fılmderdiń bolýy, jalpy, tolyqqandy kıno óndirisi úshin de, qosymsha ınvestorlar tartý úshin de kerek», depti.

Búgin Afrıka qurylyǵynda fýtbol jankúıerleri 4 jyl boıy asyǵa kútken álem chempıonaty bastalady. Osyǵan oraı «Aıqyn» gazetiniń sport beti osy chempıonatqa tolyǵymen arnalǵan. «Qara qurlyqtaǵy «qaqtyǵys» degen taqyryppen berilgen maqaladan sizder dúnıejúzilik dop dobasynyń tarıhy, eleń eterlik oqıǵalar jáne 2010 jylǵy álem chempıonatyna qatysty qyzyq derekterge qanyq bolasyzdar.

«Aıqyn» gazetiniń búgingi nómirinde «Kedendik odaq kólikti arzandatady» degen taqyryppen maqala jarııalandy. Elimizdiń Ekonomıkalyq damý mınıstri Janar Aıtjanovanyń aıtýynsha, 3 jyldan kem emes jáne 10 jyldan aspaǵan suranysqa ıe avtomobılderge keden salyǵy áldeqaıda tómen bolmaq. «Dálirek aıtqanda, qańtardyń 1-inen bastap engizilgen biregeı keden salyǵynan 2-3 ese arzan bolady. Máselen 3 pen 10 jyl aralyǵyndaǵy Toıota Korolla kóligine salynatyn alym - 5000 eýro bolsa, budan bylaı jeke tulǵa úshin jeńildetilgen rejim boıynsha 640 eýro bolady»,