Sheteldik teatr akterleri elordany mereıtoıymen quttyqtamaq
ASTANA. QazAqparat - Astananyń tórinde 10-16-maýsym aralyǵynda VI «Samǵaý» halyqaralyq teatr festıvali ótedi. Elordanyń 20 jyldyǵyna oraılastyrylǵan festıval aıasynda qala teatrlarynyń sahnasynda kórermender nazaryna Qazaqstannyń óńirleri men taıaý shetelder teatrlary ujymdarynyń úzdik qoıylymdary usynylady, dep habarlaıdy Astana ákimdiginiń resmı saıty.
Festıval Astana qalasynyń Mádenıet jáne sport basqarqyrmasynyń uıymdastyrýymen alty jyl qatarynan ótkizilip keledi. Onyń basty maqsaty - teatr óneri salasynda yntymaqtastyqty nyǵaıtý.
Bıyl festıvalge Qyrǵyzstan, Ózbekstan, Tatarstan, sonymen qatar Petropavl, Óskemen, Shymkent jáne Astana teatrlary qatysady.
Almentev tatar memlekettik drama teatry H.Mıýllerdiń «Medeıasyn», Bishkektiń T.Abdomomýnov atyndaǵy Qyrǵyz ulttyq akademııalyq drama teatry men M.Ryskýlov atyndaǵy Naryn oblystyq akademııalyq mýzykalyq drama teatry festıvalde K. Imanalıevtiń «Korkýt Ata» atty shyǵarmasyn jáne «Mań» dramasyn kórsetedi. Ózbekstandyq Samarqand mýzykalyq drama teatrykópshilik nazaryna T.Jýjanýglıdiń «Lavına» qoıylymyn usynady. Elordalyq «Jastar» teatry festıvalge N.Gogoldiń «Revızor» tragıfarsyn daıyndady. Gorkıı atyndaǵy teatr A.S.Pýshkınniń «Evgenıı Onegın», al Q.Qýanyshbaev atyndaǵy qazaq mýzykalyq drama teatry Dj.Patrıktiń «Qymbatty Pamela» týyndylaryn sahnalaıdy.
Teatr festıvaline qatysýshylar arasynda Shyǵys Qazaqstan oblystyq drama teatry da (Óskemen) bar. Atalmysh mekemeniń ujymy «Arshyn mal alan» mıýzıklin kórsetedi. Sonymen qatar, J.Shanın atyndaǵy oblystyq akademııalyq qazaq drama teatry (Shymkent) M. Áýezovtyń «Qaragóz» tragedııasyn, Ońtústik Qazaqstan oblystyq orys drama teatry (Shymkent) D. Vassermannyń «Polet nad gnezdom kýkýshkı» jáne S.Muqanov atyndaǵy Qazaq mýzykalyq drama teatry (Petropavl) óz qoıylymyn usynady.
«Samǵaý» festıvali aıasynda qatysýshylar óz repertýarlaryndaǵy úzdik qoıylymdardy kórsetip, tájirıbe almasady. Teatr ókilderi vokal, sahnada sóz sóıleý,qozǵalý jáne akterlik sheberlik boıynsha sheberlik dáristerin ótkizedi.
Qatysýshylardyń ónerineóz baǵalaryn teatr óneriniń kórnekti qaıratkerleri beredi.
Qoıylymdar orys drama teatrynyń, qazaq drama teatrynyń, sondaı-aq «Jastar» teatrynyń sahnasynda qoıylady.
