Sheteldik tálimgerler astanalyq dárigerlerge arnalǵan kýrstar ótkizdi
ASTANA. 26 tamyz. QazAqparat - Elordada negizgi emhanalyq baǵyttardy damytý úshin sheteldik mamandardy tartý jumystary júrgizilip jatyr. 12-25 tamyzda «Respýblıkalyq neırohırýrgııa ǵylymı ortalyǵy» AQ-ynda tálimgerdik jónindegi jobany júzege asyrý aıasynda qazaqstandyq dárigerler oqýdan ótti. Іs-shara tálimgerlik ınstıtýtty engizý arqyly medıtsına kadrlarynyń kásibı deńgeıin arttyrý jáne odan ári damytý maqsatymen ótkizildi. Bul týraly astana.kz saıtyna «Respýblıkalyq neırohırýrgııa ǵylymı ortalyǵy» AQ baspasóz qyzmetinen habarlady.
Densaýlyq saqtaýdaǵy tálimgerlik otandyq medıtsına kadrlaryn oqytý salasyndaǵy jańashyldyq bolyp tabylady. Onyń negizgi basymdyqtary medıtsınalyq kómek kórsetý úrdisin jetildirýmen baılanysty, shaqyrylǵan tálimger mamandardy «jergilikti jerlerde» oqytady. Medıtsınanyń basym baǵyttary boıynsha tálimgerlikti Reseı, Avstrııa, Shveıtsarııa, AQSh, Lıtva, Túrkııa jáne t.b. memleketterdiń jetekshi professorlary júzege asyrdy. Shaqyrylǵan tálimgerler - dárigerlerdi, orta medıtsına qyzmetkerlerin oqytýdyń mol tájirıbesine ıe, dárigerler arasynda bedeldi tulǵalar.
Uıymdastyrýshylardyń atap ótýinshe, «Respýblıkalyq neırohırýrgııa ǵylymı ortalyǵy» AQ tálimgerlik jónindegi jobany júzege asyrý aıasynda qazaqstandyq dárigerlerdi ekinshi ret oqytty. 2012 jyly emhanaǵa 10 sheteldik tálimger kelgen. Bıyl jyl sońyna deıin shaqyrylatyn medıtsına tálimgerleriniń jalpy sany 14 adamdy quraıdy. Tálimgerlik ınstıtýtty damytý «Salamatty Qazaqstan» memlekettik baǵdarlamasyn oryndaý sheńberinde QR Densaýlyq saqtaý mınıstrliginiń memlekettik tapsyrmasy boıynsha respýblıkalyq bıýdjettiń esebinen júrgiziledi.
