Sheteldik sýretshiler Túrkistan oblysynyń tabıǵatyn beıneleıdi
TÚRKІSTAN. QazAqparat - Túrkistan oblysynda sýretshilerdiń «KASKASU» halyqaralyq pleneri bastaldy. «Taý samaly» demalys aımaǵynda ótken sharaǵa álemniń alty memleketinen jáne elimizdiń barlyq aımaqtarynan sýretshiler qatysyp, óńirdiń tamasha tabıǵatyn qaǵaz betine túsirmek, dep habarlaıdy QazAqparat.
Aımaq basshysy Janseıit Túımebaevtyń bastamasymen, oblystyq Mádenıet jáne tilderdi damytý basqarmasynyń jáne oblystyq Beıneleý óneri mýzeıiniń qoldaýymen uıymdastyrylǵan sharaǵa 30-ǵa jýyq qylqalam sheberleri keldi. 5 kúnge josparlanǵan sharada sýretshiler aımaqtyń birneshe aýdandaryn aralap, kórikti mekenderdiń sýretin salmaqshy. Tabıǵaty tamyljyǵan aýdandardan bólek tarıhı oryndardy da aralap shyqpaqshy. Atap aıtqanda Ordabasy tóbe, Arystanbab, Qoja Ahmet ıAsaýı kesenelerinde bolyp, Shardara sý qoımasy men Syrdarııa ózenine barady dep kútilýde.
Plener barysynda jasalatyn 100-ge jýyq kórkemtýyndy ońtústik jurtshylyǵynyń nazaryna usynylady. Shildeniń 27-si kúni aıtýly shara qorytyndylanyp, arnaıy kórme uıymdastyrý josparlanǵan. Osy kúni sondaı-aq «Urpaqtar sabaqtastyǵy» atty sheberlik sabaǵy ótkizilmekshi. Bul óz kezeginde túrkistandyq jas sýretshilerdiń biliktiligin arttyryp, sheberligin shyńdamaq. 
