Sheteldik stýdentter Muqaǵalıdiń 80 jyldyǵyn atap ótti
ALMATY. 22 aqpan. QazAqparat /Erbol Azanbek/ - Ál-Farabı atyndaǵy QazUÝ-dyń shetel azamattaryna arnalǵan daıyndyq fakýltetiniń tyńdaýshylary aqıyq aqyn M.Maqataevtyń 80 jyldyq mereıtoıyna oraı,
«Men ómirdi jyrlaý úshin kelgenmin» atty jyr keshin uıymdastyrdy.
Kesh daıyndyq fakýltetiniń tyńdaýshysy Jazıgúl Qanashtyń aqyn ómiri men shyǵarmashylyǵyna arnalǵan baıandamasymen ashyldy. Shara barysynda QR Prezıdenti baǵdarlamasymen ýnıversıtetimizde bilim alyp jatqan Aýǵanstan Islam Respýblıkasynan kelgen tyńdaýshylar aqyn óleńderin mánerlep oqýdan synǵa tústi. Qazaq jerine kelgenderine 4-aı ǵana bolǵan, tildi endi ǵana meńgergen aýǵan jastary aqyn óleńderin tebirene jyrlap kórermenderdi tánti etti. Jarysqa qatysqan 13 tyńdaýshynyń ishinen Harýn Korrızadah birinshi oryndy, Saıd Ahmad Hýsaın men Mohammad Naım Mohamadı ekinshi oryndy, Abdýlla Ahmadı men Mohammad Rıza Rızaı úshinshi oryndy ıelendi. Kesh sońy fakýltette bilim alyp jatqan qazaq dıasporasy ókilderiniń, fılologııa, jýrnalıstıka fakýltetiniń, Abaı atyndaǵy QazUPÝ-dan kelgen jas aqyndardyń Muqaǵalıǵa arnalǵan óleńderin oqýǵa jalǵasty.
Jeńimpazdardy daıyndyq fakýltetiniń dekany J.Moldaǵalıeva, JOO-ǵa deıingi daıyndyq kafedrasynyń meńgerýshisi professor Q.Aqqoshqarova «Qazaq ádebıeti» gazetiniń tilshisi Álibek Baıbol, «Parasat» klýbynyń jetekshisi J. Ibraımova men S Núsipbaeva, klýbtyń moderatory D. Tursynqulov marapattattap, syılyqtar tapsyrdy.
