Sheteldik stýdent joǵaltqan tólqujatyn polıtsııa taýyp berdi - Túrkistan
TÚRKІSTAN. QazAqparat - Túrkistandyq polıtseıler shetel azamatynyń tólqujatyn taýyp berdi, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, sheteldik stýdent qujatyn joǵaltyp alǵany jóninde polıtsııaǵa aryzdanǵan. 22 jastaǵy Enes Henkı tólqujaty tabylmaǵan jaǵdaıda, elshilik arqyly qujat jasatpaq bolǵan. Alaıda onyń daıyn bolǵanyn birneshe aı kútý kerek ekenin aıtypty. Osy aralyqta jergilikti polıtseıler qujatty taýyp, zańdy ıesine qaıtarǵan.
Túrkııalyq azamat Túrkistan qalalyq PB-nyń Kóshi-qon qyzmeti polıtseılerine alǵysyn bildirdi.
