Sheteldik sottarda qansha qarjy elge qaıtaryldy - Ádilet mınıstrligi

NUR-SULTAN. QazAqparat – 2019 jyly memleket múddesi eki mıllıard AQSh dollarynan astam qajy kóleminde qorǵalyp qaldy. Bul týraly Ádilet vıtse-mınıstri Almat Madalıev málim etti, dep habarlaıdy QazAqparat tilshisi.

«2019 jyly memleket múddesi shetelde 26 arbıtrajdyq jáne sot isin qaraý kezinde qorǵaldy. Sondaı-aq 4 jańa is boıynsha jumys bastaldy», - dep toqtaldy vıtse-mınıstr vedomstvonyń keńeıtilgen alqa májilisinde.

Onyń sózine qaraǵanda, esepti kezeńde memleket múddesi eki mıllıard AQSh dollarynan astam qajy kóleminde qorǵalǵan.

«2019 jyly qatty paıdaly qazbalar boıynsha jer qoınaýyn paıdalanýǵa 100-den astam shart jobalary men 15 lıtsenzııa jobalary sapaly túrde pysyqtaldy. Qazaqstan Respýblıkasy kepildigimen bekitiletin ekijaqty ınvestıtsııalyq kelisimder men zaım sharttaryna zańgerlik saraptama júrgizildi», - dedi Almat Madalıev.