Sheteldik saýda mıssııalary Qazaqstanǵa shamamen 60 mln. dollar tabys ákeldi
ASTANA. 1 tamyz. QazAqparat - Sońǵy 3 jylda ótkizilgen 15 saýda mıssııasynyń nátıjesinde 60 mln. AQSh dollarynyń eksporttyq kelisimsharttary jasaldy,
dep habarlady Eksport jáne ınvestıtsııalar jónindegi «Kaznex Invest» ulttyq agenttigi basqarma tóraǵasynyń orynbasary Meıirjan Maıkenov pm.kz saıtyna bergen suhbatynda.
«Saýda mıssııalarynyń nátıjeleri boıynsha 60 mln. AQSh dollarynyń eksporttyq kelisimsharttaryn jasadyq»,- deıdi M.Maıkenov.
«Kaznex Invest» agenttiginiń baspasóz qyzmetiniń aqparaty boıynsha, 2012 jyly Qyrǵyzstan men Tájikstanda 2 saýda mıssııasy ótkizildi.
Meıirjan Maıkenovtiń aıtýynsha, Tájikstanǵa jasalǵan 16-shy saýda mıssııasynyń qorytyndysy boıynsha 20 mln. AQSh dollarynyń eksporttyq kelisimsharttaryna qol qoıylady dep kútilýde. Bul sapar tájikstandyq naryqtyń qazaqstandyq taýar óndirýshiler úshin áleýettiligin kórsetip otyr.
Jalpy alǵanda, «Kaznex Invest» agenttigi ótken 3 jyldyń ishinde 15 shaqty saýda mıssııasyn ótkizip, qazaqstandyq kásipkerlerge óz ónimderin sheteldikterge keńinen tanystyrýǵa, memlekettik vedomstvolardyń basshylarymen kelissózder júrgizýlerine múmkindikter jasady.
«Saýda mıssııalary tek bıznes-bıznes formatynda ótip qoımaıdy, sonymen birge sol eldiń sheneýnikterimen de kezdesýler uıymdastyrylady. Mysaly, Rýmynııaǵa jasalǵan sapardyń aıasynda biz óndirýshilerimiz úshin sol eldiń aýyl sharýashylyǵy mınıstrimen kezdesý uıymdastyrdyq, Túrkimenstanda eldiń vıtse-mınıstrimen, Ashǵabad qalasynyń merııasymen kezdesýler ótti, al Qyrǵyzstanda sol eldiń densaýlyq saqtaý jáne aýyl sharýashylyǵy mınıstrlerimen kezdesýler boldy. Tájikstanǵa jasalǵan sońǵy saparda kásipkerler eldiń kólik vıtse-mınıstrimen, Dýshanbe merııasymen kezdesti»,- dedi Meıirjan Maıkenov.
Shetelderde saýda mıssııalaryn ótkizý «Eksporter-2020» baǵdarlamasynyń aıasynda qazaqstandyq eksportshylarǵa servıstik qoldaý kórsetý quraldarynyń biri bolyp tabylady.
