Sheteldik sarapshy Qazaqstannyń BUU BA-daǵy bastamalaryna pikir bildirdi

BAKÝ. QazAqparat - BUU Bas Assambleıasynyń 72-sessııasynda memleket basshylary men joǵary deńgeıdegi ókilderdiń sóılegen sózderi árdaıym sarapshylyq qoǵamdastyqtyń nazaryn aýdartady. Bul týraly Ázerbaıjan Prezıdenti janyndaǵy Strategııalyq zertteýler ortalyǵynyń dırektory Farhad Mamedov «QazAqparat» agenttiginiń Ázerbaıjandaǵy menshikti tilshisine bergen suhbatynda málim etti.

«BUU Bas Assambleıasynda QR syrtqy ister mınıstri atap ótken negizgi úndeýler Qazaqstannyń qazirgi protsester týraly kózqarasyn baıqatyp,  Qazaqstannyń qazirgi jahandyq qaýip-qaterlerge qatysty tarazylanǵan jáne jaýapty qadamyn kórsetedi», - dedi Ortalyq dırektory. 

«Qazaqstan syrtqy ister mınıstriniń BUU Bas assambleıasynda aıtqan negizgi úndeýi (messedji) Qazaqstannyń qazirgi zamanǵy protsester týraly kózqarasyn kórsetip, bizdiń zamanymyzdyń jahandyq qaýip-qaterlerine Qazaqstannyń salmaqty jáne jaýapty kózqarasyn kórsetedi», - dedi Ortalyqtyń dırektory.

«Ókinishke oraı, memlekettiń ishki isine aralasý jáne terrıtorıaldyq tutastyqqa tóngen qaýip mysaldary ıadrolyq qarýǵa ıe bolý ǵana memleketti osyndaı qaýip-qaterlerden saqtap qalady degen pikir qalyptastyrýda.  Bul másele boıynsha Qazaqstannyń pikiri erekshe yqylasqa ıe, sebebi memleket ıadrolyq arsenaldan ózdigimen bas tartyp, damý, myqty memleket qalyptastyrý men kórshilermen beıbit qarym-qatynas ornatý jolyn tańdady», - dep atap ótti sarapshy.

Onyń aıtýynsha, Qazaqstannyń BUU-da aıtqan pikiri Ázerbaıjan Prezıdentiniń oıymen úndestik tapqan.