Sheteldik sarapshy Qazaqstandaǵy jańǵyrtý reformalaryna óz baǵasyn berdi
ASTANA. QazAqparat - QR Prezıdenti Nursultan Nazarbaevtyń 31 qańtarda xalyqqa arnaǵan Joldaýy bunyń aldynda jarııalanǵan strategııalarmen úndesip jatyr. Joǵary geosaıası zertteýler men sabaqtas ǵylymdar ınstıtýtynyń (IsAG) «Eýrazııa» baǵdarlamasynyń jetekshisi Darıo Chıtatı osyndaı pikirmen bólisti, dep xabarlaıdy QazAqparat.
QR Prezıdenti Nursultan Nazarbaev 31 qańtarda xalyqqa arnaǵan Joldaýy bunyń aldynda jarııalanǵan «Nurly jol» jáne «100 naqty qadam» sııaqty strategııalarmen úndesip jatyr. Onda Qazaqstan óz tarıxynyń kezekti ótkelin bastan keshýdiń aldynda turǵandaı sezim qalady. Táýelsizdikti, memlekettiń jer tutastyǵyn saqtap, qoǵamnyń dinı jáne etnıkaaralyq kelisimin qamtamasyz etkennen keıin, Qazaqstan álemniń eń ozyq memleketteriniń qataryna qosylýy úshin endi ekonomıkany tıimdi jańǵyrtý kezeńi keldi», - deıdi sarapshy.
Onyń pikirinshe, kún tártibinde ekonomıkanyń básekege qabilettiligi tur, sonymen qatar sońǵy kezde kóp aıtylyp júrgen «jasyl ekonomıka» prıntsıpterin texnologııalyq revolıýtsııamen toǵystyrý asa mańyzdy mindetterdiń biri.
«Osy turǵyda «Sandyq Qazaqstan» baǵdarlamasynyń jáne «Qazaqstannyń ulttyq texnologııalyq bastamasy» atty damý josparynyń orny erekshe. Qazaqstan osy strategııalar arqyly óz mindetterin sheshýge qaýqarly», - dep túıdi oıyn Darıo Chıtatı.
