Sheteldik organdar Ábilıazovti aıyptaý boıynsha qosymsha dálelder usyndy - Agenttik

NUR-SULTAN. QazAqparat – Ekinshi sheteldik sot BTA bankiniń talap-aryzy boıynsha Muhtar Ábilıazovtiń aıybyn rastady. Bul týraly brıfıngte Sybaılas jemqorlyqqa qarsy is-qımyl agenttiginiń departament basshysy Sergeı Perov málim etti, dep habarlaıdy QazAqparat tilshisi.

«Sybaılas jemqorlyqqa qarsy qyzmet aıaqtaǵan qylmystyq istiń nátıjeleri boıynsha «BTA Banki» AQ burynǵy dırektorlar keńesiniń tóraǵasy M. Ábilıazovtiń qylmystyq qoǵamdastyqtyń barlyq jeti qatysýshysy sotqa berildi.

Prokýratýra Reseıdiń úsh azamaty, ıaǵnı Artýr Trofımov (Avstrııada bosqyn mártebesine ıe), Maksım Hablov, Anar Abdıhaımova, Ýkraınanyń bir azamaty - Erjan Kadesov jáne úsh qazaqstandyq - Anatolıı Pogorelov, Valerıı Nalobın jáne Zaýre Júnisova boıynsha aıyptaý aktisin bekitti», - dedi S. Perov.

Onyń sózine qaraǵanda, atalǵan adamdar tergeýge tolyq kómek kórsete otyryp, Ábilıazovtiń aqshany urlaý jáne jylystatý boıynsha qylmystyq shemalaryn egjeı-tegjeıli ashty.

«Qylmystyq is Almaty qalasy Medeý aýdanynyń №2 aýdandyq sotynda qarastyrylady. Sonymen qatar, Sybaılas jemqorlyqqa qarsy qyzmet Ábilıazovtiń ózin qosa alǵanda, halyqaralyq izdeýdegi 17 kúdiktige qatysty qylmystyq isti sotqa deıingi tergeýdi jalǵastyrýda», - dep naqtylady ol.

S. Perovtyń atap ótýinshe, halyqaralyq-quqyqtyq yntymaqtastyq aıasynda shet memleketterdiń quzyretti organdary Ábilıazovtiń aqshany urlaýǵa jáne shetelde jylystatýǵa kináli ekenine qosymsha dálelder usyndy.

«Alynǵan málimetter dáleldik bazany nyǵaıtyp, qylmystyq jáne azamattyq protsester aıasynda shetelde zertteletin jaǵdaılardy aıtarlyqtaı dárejede túsindirdi. Mysaly, 2019 jylǵy 3 shildede Nıý-Iork shtatynyń Okrýgtik sotynyń sýdıasy Ketrın Parker azamattyq talqylaýdyń barlyq materıaldaryn, soǵan qosa Ábilıazovtiń sotta bergen jaýaptary men onyń usynǵan qujattaryn zerttep shyǵyp, oǵan qarsy sanktsııalar qoldaný týraly sheshim shyǵardy. Sot Ábilıazov óziniń qolyndaǵy qujattardy qasaqana jasyryp, qoıylǵan suraqtarǵa ádeıi jaýap bermedi degen qorytyndyǵa keldi», - dedi departament basshysy.

Nátıjesinde, sot ony qazaqstandyq taraptyń advokattardyń qyzmetine jumsalǵan shyǵyndaryn óteýdi mindettedi jáne óziniń qorǵaýyn qoldaý boıynsha qosymsha qujattardy málimdeýge tyıym saldy. Osylaısha, ekinshi sheteldik sot BTA bankiniń Ábilıazovke qarsy qoıylǵan talaptarynyń negizdiligin rastady jáne onyń olarǵa keltirilgen dálelderine kúmán keltirdi.

Osydan buryn Londonnyń Joǵarǵy soty únemi aldap, sotty jańylystyryp júrgeni úshin Ábilıazovti 22 aıǵa túrmege qamaý jazasyna úkim shyǵardy, sonyń nátıjesinde odan BTA bankiniń paıdasyna 4 mlrd dollardy óndirip alý týraly sheshim shyǵaryldy.