Sheteldik nómiri bar avtomobıldermen 1800 kólik oqıǵasy tirkeldi - ІІM
NUR-SULTAN. QazAqparat – 2019 jyly beınebaqylaý kameralarynyń kómegimen sheteldik nómirmen júretin kólikterdiń qatysýymen 90 myńǵa tarta buzýshylyq tirkelgen. Bul týraly ІІM Ákimshilik polıtsııa komıtetiniń basqarma bastyǵy ıÝrıı Kozlov aıtty, dep habarlaıdy QazAqparat tilshisi.
«Shetelden kólik alyp kelgen Qazaqstan azamaty zańǵa sáıkes, tıisti mindetterdi oryndap, bajdy tólep, kólikti 10 jumys kúni ishinde Qazaqstanda tirkeýi kerek. Іshki ister mınıstrligi keıingi kezde sheteldik nómirli kólikterdiń qatysýymen jol apattarynyń kóbeıip ketýine alańdaýly. Sheteldik nómirmen júretin kólikterdiń qatysýymen kisi ólimine alyp keletin jol-kólik oqıǵalary da tirkelýde. Ótken jyly ǵana atalǵan sanattaǵy kólik júrgizýshilerimen 1800-den asa jol-kólik oqıǵasy tirkelip, 100-den asa adam kóz jumyp, 500-ge tarta adam jaraqat aldy. Bul sanattaǵy kólikter bizdiń jumysqa aıtarlyqtaı qıyndyq týǵyzyp otyr», - dedi ıÝrıı Kozlov ІІM-de ótken baspasóz máslıhatynda.
Onyń aıtýyna qaraǵanda, 2019 jyly beınebaqylaý kameralarynyń kómegimen sheteldik nómirmen júretin kólik júrgizýshileriniń 90 myńǵa tarta buzýshylyq jasaǵany anyqtaldy.
«Alaıda 27 myń júrgizýshige qatysty ǵana shara qabyldandy. ıAǵnı, olardyń úshten biri ǵana jaýapkershilikke tartylǵan. Osyǵan baılanysty ІІM atalǵan sanattaǵy kólikteri bar azamattardy avtokólikti tirkeýge, zańnamalyq turǵyda retteýge shaqyrady», - dedi Іshki ister mınıstrligi Ákimshilik polıtsııa komıtetiniń basqarma bastyǵy.
Eske sala ketsek, keshe ІІM qazaqstandyqtardy sheteldik esepte turǵan kólikterdi tirkeýge shaqyrǵan bolatyn.
