Sheteldik naryqqa baǵyttalatyn 500 mlrd teńge dollarǵa kezeń-kezeńimen aýystyrylady - QR Ulttyq banki
Bas qarjylyq retteýshi mundaı kólemdegi qarjynyń shetel valıýtasyna aýdarylýy ulttyq valıýtanyń álsireýine ákelýi yqtımal ekendigin jetkizdi.
«Іshki naryqta teńgeni dollarǵa aýdarý operatsııalarynyń kólemin eskere kele, atalǵan somany birte-birte jyl boıyna aýystyrý quptaldy. Bul jaǵdaıda teńgeniń turaqtylyǵyna nuqsan kelmeıtin bolady», - delingen habarlamada.
Ulttyq banktiń habarlaýynsha, sheteldik valıýtadaǵy qarjylyq quraldardyń sany jyl sońyna deıin artýy múmkin. Alaıda BJZQ ınvestıtsııalyq deklaratsııasyndaǵy shekti kórsetkishten asyp ketpeıdi.
Aıta ketý kerek, BJZQ salymdaryn ınvestıtsııalaý týraly QR Memleket basshysy 2016 jyldyń 10 aqpanynda naqty tapsyrma bergen bolatyn.
Osyǵan oraı BJZQ-nyń 1 450 mlrd teńge kólemindegi aktıvterin ár baǵytta qarjylyq quraldarǵa salý josparlanǵan.
Eń aldymen, bıýdjet tapshylyǵyn joıý úshin 350 mlrd teńge somasyna QR memlekettik qundy qaǵazdary satylyp alynady, sheteldik naryqta ınvestıtsııa salý úshin 500 mlrd teńgege sheteldik valıýta satylyp alynady.
400 mlrd teńgege kvazımemlekettik sektordaǵy sýbektilerdiń shartty qundy qaǵazdary, 200 mlrd teńgege ShOB sýbektilerin qarjylandyrýǵa ekinshi deńgeıli bankterdiń shartty qarjylyq quraldary satylyp alynady.