Sheteldik munaı kompanııasy ekologııaǵa keltirgen zalaly úshin jaýapkershilikke tartyldy - Bas prokýratýra
ASTANA. Qańtardyń 18-i. QazAqparat - Qazaqstandaǵy sheteldik munaı kompanııasy shyǵarylatyn qaldyq zattardy normadan tys asyrǵany úshin jaýapkershilikke tartyldy,
dep habarlaıdy QazAqparat QR Bas prokýratýrasyna silteme jasap.
Máselen, Atyraý oblysynyń tabıǵatty qorǵaý prokýratýrasy «Prıkaspıan Petrolıým Kompanı» JShS-da tabıǵat zańnamalarynyń saqtalýyna tekserister júrgizip, nátıjesinde atalǵan mekeme QR Ekologııalyq kodeksiniń qaýipti qaldyqtardyń qoldanylýyn retteıtin talaptaryn óreskel buzyp otyrǵandyǵyn anyqtaǵan.
Sheteldik kompanııa 2008 jyldyń qańtar aıynda ilispe gazdy barlyǵy 1,5 mln. tekshe metr kóleminde jaǵýǵa arnaıy ruqsat alǵan. Anyqtalǵandaı, kompanııa ilispe gazdyń atalǵan lımıtin jáne odan tys 47 myń.tekshe metr kólemin jaqqan jáne QR «Munaı týraly» zańynyń talaptaryn buzyp, bul jóninde ýákiletti organdardy habardar etpegen.
Tekserý qortyndysymen engizilgen usynystar nátıjesinde, «Prıkaspıan Petrolıým Kompanı» JShS-nyń jaýapty tulǵasyna Qazaqstan Respýblıkasy ÁQBtK-niń 270 babyna sáıkes 19440 teńge kóleminde ákimshilik aıyppul salynyp, bir tulǵa tártiptik jaýapkershilikke tartyldy. Sondaı-aq keltirilgen ekologııalyq zalal úshin memleket paıdasyna 705 890 teńge aıyppul óndirildi.
