Sheteldik mártebeli meımandar «Dala áýenderi» atty qazaq halyq mýzykasyn pash etken kontsertti tamashalady
ASTANA. Qazannyń 18-i. QazAqparat - Keshe, qazannyń 17-si kúni Astanadaǵy «Kongress-Holl» saraıynda Búkilálemdik rýhanı mádenıet forýmy aıasynda qazaq halqynyń ónerin pash etken kontsert ótti
Forýmǵa kelgen sheteldik mártebeli meımandar «Dala áýenderi» atty qazaq halyq mýzykasyn tyńdap, tamashalady.
Kontsert barysynda sahna tórine ilingen ekrannan Qazaqstannyń qundylyqtary týraly arnaıy daıyndalǵan beınetaspa kórsetilip turdy. Sonyń ishinde ulttyq salt-dástúrimizdi baıandaıtyn kórinister óner ıeleri oryndaǵan ásem ándermen, qudiretti kúılermen astasyp jatty.
Kontsert memlekettik jáne aǵylshyn tilderinde júrgizildi. Ulttyq kıim kıgen qazaqtyń qyzdary shashý shashty.
Shetelden kelgen mártebeli meımandar kontsertten úlken áser alǵandaryn aıtty.
