Sheteldik mamandar medıtsınanyń ózekti máselelerin talqylaýǵa Taldyqorǵanǵa jınalady
ALMATY. QazAqparat - Sheteldik mamandar klınıkalyq medıtsınanyń ózekti máselelerin talqylaýǵa Taldyqorǵanǵa jınalmaq. I-Halyqaralyq ǵylymı-praktıkalyq konferentsııa Qazaqstan Respýblıkasy Táýelsizdiginiń 25 jyldyǵyna arnalyp otyr.
Konferentsııada alys-jaqyn sheteldiń úzdik ǵalymdary men klınıkalyq dárigerler dáris júrgizip, tájirıbe jınaýshy dárigerlerge arnalǵan semınar sabaqtar ótkiziledi. Sondaı-aq, «Eń úzdik ǵylymı jumys» saıysy ótpek. Saıystan úzdik shyqqan 12 ǵylymı-praktıkalyq jumys iriktelip Qazaqstan men sheteldiń úzdik mamandarymen tájirıbe almasý maqsatynda «emdelýshilerdiń qabyldaý keńesine» joldama alady.
Konferentsııa 2016-2019 jyldarǵa arnalǵan «Densaýlyq» memlekettik baǵdarlamasyn iske asyrýǵa baǵyttalyp otyr. Alqaly jıynda kardıologııa, onkologııa, travmatologııa, ana men bala, mı qan aınalymynyń aýytqýy, jedel medıtsınalyq járdem máseleleri talqylanady.
