Sheteldik kompanııalardyń charterlik reısterge tyıym salýynan avıabıletterdiń baǵasy óspeıdi - «Kazunion» bas dırektory L. Ǵalıeva
ASTANA. 18 shilde. QazAqparat - Sheteldik áýe kompanııalarynyń charterlik reısterdi jasaýǵa tyıym salýynan avıabıletterdiń baǵasy kóterilmeıdi. Osyndaı pikirdi «Kazunion» týrıstik kompanııasynyń bas dırektory Laýra Ǵalıeva málim etti.
Onyń sózine qaraǵanda, jazǵy maýsymda charterlik tasymal negizinen Antalııaǵa jasalady. Sonymen birge, 4 qazaqstandyq áýe kompanııasynyń Túrkııaǵa charterlik reıs jasaýǵa ruqsaty bar jáne barlyq tasymaldy óz kúshimen jasaıtyndaı jaǵdaıy bar. Charterlik reısterdiń qysqy baǵdarlamasy Taıland, BAÁ jáne Ońtústik-Shyǵys Azııanyń basqa elderine baǵyttalǵan. Sondyqtan avıabıletterdiń baǵasyn kóterýge eshqandaı sebep joq.
L. Ǵalıeva, sonymen qatar, charterlik reısterdi jergilikti tasymaldaýshylardyń jasaý tájirıbesi kóptegen elderde qoldanylatynyn atap ótti. Qazaqstan úshin atalǵan ózgeris zań júzinde qazaqstandyq áýetasymaldaýshylar Túrkııadaǵy tek jazǵy demalys maýsymynyń ózinde qosymsha 80 mıllıon dollarǵa deıin qarjy tabatynyn kórsetedi.
