Sheteldik kompanııa ıeleri qazaqstandyq jumysshylardy kemsitýlerin tyıar emes - Bas prokýratýra
ASTANA. Qarashanyń 12-si. QazAqparat /Aıdar Ospanalıev/ - Almaty qalasynyń ákimdigi «Nestle Fýd Qazaqstan» jaýapkershiligi shekteýli seriktestigine elimizdiń áleýmettik qorǵaý organdarynda 12 zańger mamannyń kezekte turýyna qaramastan shet memleketterden jumys kúshin tartqan. Atalmysh áreketter jóninde búgin jýrnalıstermen bolǵan aptalyq brıfıngte Bas prokýratýranyń resmı ókili Nurdáýlet Súıindikov baıandady,
dep habarlaıdy QazAqparat.
Onyń aıtýynsha, mundaı jaǵdaılar Ońtústik Qazaqstan oblysynda
da tirkelgen. Onda «mashınıst» jáne «burǵylaýshynyń kómekshisi» mamandyǵy boıynsha elimizdegi arnaıy organdardaǵy kezekte 53 azamattyń turǵanyna qaramastan «SP Rýsbýrmash Qazaqstan» jaýapkershiligi shekteýli seriktestiginiń ókilderi 31 shet el azamatyn syrttan ákelgen. «Osy oraıda aıta ketetin jaıt, elimizdiń eńbek mıgratsııasyn retteıtin zańdardyń basty maqsaty - birinshi kezekte qazaqstandyq mamandardyń quqyqtaryn qorǵaý. ıAǵnı elde otandyq jumys kúshine suranys bar kezde shetten maman tartý zańsyz», dedi resmı ókil.
Onyń sózine qaraǵanda, sheteldik kompanııalar qazaqstandyq jumysshylardy kemsitý áreketterine jol berýlerin qoıar emes jáne ol ártúrli faktorlar boıynsha oryn alyp otyr. Mysaly, Shyǵys Qazaqstan oblysyndaǵy Qazaqstan men Avstralııanyń birlesken «SP Sa Mınıng» jaýapkershiligi shekteýli seriktestiginde qazaqstandyq jumysshynyń jalaqysy 132 myń teńge bolsa, Avstralııa azamatyna
1 mıllıonnan astam teńge tólenedi. Al qazaqstandyq dánekerleýshi 90 myń alatyn bolsa, avstralııalyq mamanǵa 833 myń teńge tólenedi. Osy tektes áreketter Qytaı eliniń Almaty oblysyndaǵy «ChPP Qazaqstan» atty seriktestiginde de oryn alyp otyr.
