Sheteldik kompanııa 5 qazaqstandyqty ushaqqa otyrǵyzbaı qoıǵan: sot tekserýdi talap etti
NUR-SULTAN. QazAqparat - Nur-Sultan qalasynyń Esil aýdandyq soty sheteldik áýe kompanııasynyń Qazaqstannyń bes azamatyn ushaq bortyna mingizbeı qoıý oqıǵasy boıynsha egjeı-tegjeıli, táýelsiz tekserý júrgizý týraly úkim shyǵardy, dep habarlaıdy QazAqparat qalalyq sottyń resmı saıtyna silteme jasap.
«2018 jyldyń 15 qyrkúıeginde Qazaqstannyń bes azamaty (onyń ishinde úsheýi - kámelet jasyna tolmaǵan balalar) Ystanbuldan Nur-Sultan qalasyna ushýǵa tıis bolatyn. Alaıda, olar óz reısine mine almaǵan soń qaıtadan jańa bılet satyp alyp, basqa reıspen ushyp kelgen. 2018 jyldyń qazan aıynda astana turǵyny Azamattyq avıatsııa komıtetine shaǵymdanyp, atalǵan oqıǵa boıynsha qyzmettik tekserý júrgizýdi jáne Turkish Airlines kompanııasyna aıyppul salýdy ótinedi. Durys jaýap ala almaǵan qala turǵyny memlekettik organnyń is-áreketin zańsyz dep taný jóninde sotqa aryzdanǵan. Esil aýdandyq soty qala turǵynynyń ótinishin qanaǵattandyrdy», - delingen aýdandyq sottyń habarlamasynda.
Sot komıtettiń bul is-áreketin zańsyz dep taýyp, áldeqaıda muqııat jáne obektıvti táýelsiz tekserý júrgizý arqyly jol berilgen kemshilikti joıý, osylaısha kishkentaı balalarmen qosqanda 5 azamattyń nelikten avıalaınerdiń bortyna jiberilmegenin anyqtaýdy úkim etti.
