Sheteldik kólikti zańdastyrmaǵan jaǵdaıda qandaı jaza qoldanylady

ASTANA. QazAqparat – Syrt elden ákelingen avtokólikti belgilengen ýaqytta zańdastyrmaǵan jaǵdaıda qandaı jaza qarastyrylǵan? Atalǵan saýalǵa Astana qalasy Polıtsııa departamenti Ákimshilik polıtsııa basqarmasynyń bastyǵy Eljan Chýpekov jaýap berdi, dep habarlaıdy QazAqparat tilshisi.

«Sheteldik kólikterdi zańdastyrý – birrettik aktsııa. Ol bıyl 23 qańtarda bastalyp 1 shildege deıin jalǵasady. Sheteldik avtomobıldi talap boıynsha tirkemegen jaǵdaıda zańǵa sáıkes jaýapkershilik qarastyrylady. Elimizdegi sheteldik kólikterdiń deni saqtandyrý polısi negizinde qoldanylyp júr. Eger avtomobıldi belgilengen ýaqytta zańdastyrmaǵan jaǵdaıda saqtandyrý polısi toqtatylyp, kólik kommýnaldyq avtoturaqqa qoıylady», - dedi Eljan Chýpekov elordanyń polıtsııa departamentinde ótken baspasóz máslıhatynda.

Onyń aıtýynsha, búginde el aýmaǵynda saqtandyrý polısi arqyly júrgen 300 myńnan astam sheteldik avtomobıl bar.

Eske salaıyq, elimizde sheteldik kólikterdi zańdastyrý 23 qańtarda bastalady.

Keshe Іshki ister mınıstrliginde avtokólikterdi zańdastyrý úshin qandaı qujattar kerektigi aıtyldy.

Sonymen qatar sheteldik kólikti zańdastyrýdyń qansha turatyny belgili boldy.