Sheteldik kólikti tirkeý: Bir kúnde 800-ge jýyq qońyraý soǵyldy
NUR-SULTAN. QazAqparat – ІІM-niń sheteldik avtokólikti tirkeý boıynsha tikeleı jelisi ashylǵannan beri 800-ge jýyq qońyraý kelip tústi. Bul týraly QazAqparat atalǵan mınıstrliktiń baspasóz qyzmetine silteme jasap habarlaıdy.
Telefondyq ótinishter óte kóp boldy, jelidegi júktemeniń shamadan tys kóp bolýyna baılanysty birqatar azamattar habarlasa almady. Konsýltatsııanyń ortasha uzaqtyǵy shamamen 3 mınýtty qurady.
Qońyraýlar Qazaqstannan ár túkpirinen úzdiksiz kelip tústi, olardyń basym bóligi – shekara mańyndaǵy oblystardan.
«Negizinen qońyraý shalǵan azamattar Qazaqstan azamattarynyń shetelderden satyp alǵan jáne elimizdiń aýmaǵyna ákelingen avtokólikti tirkeý tártibine qyzyǵýshylyq tanytty. Sondaı-aq tirkeýden ótpegen jaǵdaıda múmkin bolatyn zardaptar týraly surady. Biz búgin erteńgi kúnge deıin tikeleı jeliniń shamadan tys júktelýi azaıady dep oılaımyz, óıtkeni búkil el boıynsha «Joldaǵy qabyldaý» respýblıkalyq aktsııasy bastalady»,-dedi ІІM KAP basqarmasynyń bastyǵy ıÝrıı Kozlov.
Buǵan deıin, QR Іshki ister mınıstrligi Qazaqstan azamattarynyń shetelderden satyp alǵan jáne elimizdiń aýmaǵyna ákelgen avtokólikterin tirkeý máselelerin túsindirý úshin «qaýyrt jeli» telefon jelisin iske qosylǵany týraly habarlaǵan bolatynbyz.
