Sheteldik kólikterdi kirgizý jol erejesiniń óreskel buzylýyna ákeledi - avtobloger
ALMATY. QazAqparat – Avtobloger Tımýr Mýstafaev sheteldik avtokólikterdi tirkeý máselesine baılanysty oıymen bólisti, dep habarlaıdy QazAqparat tilshisi.
«Basqa elden jetkizilip jatqan kólikterge kelsek, adamdar erikkeninen syrttan kólik tasymaıdy. Arzan kólik alýdyń amalyn tabýǵa tyrysady. Al biraq bul kólikterdi ákelgenderge zańmen tyıym salýdy tolyq qoldaımyn. Eń úlken problema olardy keıin izdestirý, tabý qıyn. Jol erejesin buzsa, taýyp alý qıynǵa soǵady. Óıtkeni sheteldik bazaǵa biz kire almaımyz. Júrgizýshilerdiń barlyǵy sony paıdalanyp, jol erejesin óreskel buzatyn boldy. Jolda Qazaqstan jol erejesine baǵynbaıtyn júrgizýshiler toby paıda boldy. Bir jaǵynan bizde bul ahýalǵa etimiz úırenip ketti», - dedi Tımýr Mustafaev.
Onyń aıtýynsha, basynan-aq kólik ákelýge tyıym salǵanda, artyq shý bolmas edi.
Aıta ketý kerek, 24 qańtarda Memleket basshysy Qasym-Jomart Toqaev Qazaqstannyń zańnamasyna saı kelmeıtin sheteldik kólikterdi elge kirgizbeýdi tapsyrǵan bolatyn.
Memleket basshysy Úkimetke bir aıdyń ishinde Qazaqstan azamattarynyń EAEO elderinen 2020 jyldyń 1 aqpanyna deıin ákelgen kólikterin tirketýdi tapsyrdy.
