Sheteldik kólikter kedendik tazartýdan ótýi kerek – Memlekettik kirister komıteti
Bul týraly QR Prezıdenti janyndaǵy Ortalyq kommýnıkatsııalar qyzmetinde ótken birlesken baspasóz konferentsııada QR Qarjy mınıstrligi Memlekettik kirister komıteti Baqylaý departamenti dırektorynyń mindetin atqarýshy Erjan Ábdirahmanov málim etti, dep habarlaıdy QazAqparat.
Memleket basshysy 2022 jylǵy 1 qyrkúıektegi Qazaqstan halqyna Joldaýynda zańsyz ákelingen kólik quraldaryna qatysty usynys aıtty.
Mundaı kólik quraldaryn zańdastyrý úshin bir rettik tártippen 200 myń teńgeden aspaıtyn mólsherde biryńǵaı kádege jaratý alymyn jáne bastapqy tirkeýdi qoldaný usynyldy.
Bul shara 2022 jyldyń 1 qyrkúıegine deıin ákelingen, kedendik tazartýdan ótken jáne izdeýde joq kólik quraldaryna qatysty bolýy tıis.
Zańdastyrý 2023 jyldyń 23 qańtarynda bastalyp, 2023 jyldyń 1 shildesinde aıaqtaldy.
Memlekettik kirister komıteti kólik quraldaryn jalpy zańdastyrýǵa tikeleı qatysty.
Komıtet kólikterdi zańdastyrý kezinde Memlekettik kirister organdarynyń qyzmetkerlerin arnaıy Halyqqa qyzmet kórsetý ortalyqtaryna ornalastyrdy.
Memlekettik kirister organdary qyzmetkerleri kedendik tazartýdan ótý týraly málimetterdi, onyń ishinde Eýrazııalyq ekonomıkalyq odaqqa múshe memleketterde kedendik tazartýdy tekserdi.
Eýrazııalyq ekonomıkalyq odaq sheńberinde kedendik tazartýdan ótken taýarlar men kólik quraldary boıynsha málimettermen ózara almasý júrgiziledi, Komıtet alǵan málimetterdi «Biriktirilgen derekter qoımasy» aqparattyq júıesine ornalastyrdy.
Memlekettik kirister organdary qyzmetkerleri aqparattyq júıelerinde («ASTANA-1», «Biriktirilgen derekter qoımasy» júıelerinde) tekserý arqyly kedendik tazartýdan ótkenin rastaıtyn anyqtamalar berdi.
Kedendik tazartýdan ótý týraly málimetter Qazaqstan Respýblıkasy, Qyrǵyzstan Respýblıkasy, Reseı Federatsııasy, Belarýs Respýblıkasy jáne Armenııa Respýblıkasynda bolǵan jaǵdaıda, kedendik tazartýdan ótkeni týraly rastaý anyqtamalary berildi.
Málimetter bolmaǵan jaǵdaıda azamattar kedendik tazartýdan ótý jáne qajetti kedendik bajdar men salyqtar tóleý úshin jiberildi.
